بلوگەر سامات نۇرتازا مەملەكەت باسشىسىنىڭ سەگىز ايداعى جۇمىسىن سۇزگىدەن وتكىزىپتى.
وسى مەجەدەگى وڭ وزگەرىستەردى ساۋساقپەن ساناپ بەرگەن بلوگەردىڭ ايتۋىنشا، توقايەۆ ءسوز ەمەس ءىستىڭ ادامى.
سونىڭ دالەل وسى سەگىز ايدا:
- كەپىلسىز نەسيە العان تۇرمىسى تومەن قازاقستاندىقتاردىڭ قارىزى كەشىرىلدى.
- مۇعالىمدەر جانە وزگە دە بيۋدجەت قىزمەتكەرلەرىنىڭ جالاقىسى كوتەرىلەتىن بولادى.
- ميكرو جانە شاعىن بيزنەس ءۇش جىلعا دەيىن تابىس سالىعىنان بوساتىلدى.
- ۇلتتىق سەنىم كەڭەسى قۇرىلىپ، جۇمىس ىستەۋدە. حالىقتىڭ كوكەيىندە وزگەرىسكە دەگەن ءۇمىت پايدا بولدى. بيلىك وزگە پىكىرگە وعاش قارايتىن ادەتىنەن ارىلىپ كەلەدى. تاۋەلسىز قازاقستاننىڭ تاريحىندا العاش رەت مەملەكەت باسشىسى قۇقىققورعاۋشىلارمەن كەزدەستى. بۇل بۇعان دەيىن مۇمكىن ەمەستەي كورىنگەن.
- شەتەلدىكتەردىڭ كوشى-قون پوليسياسىنا كەلىپ تىركەلۋى الىنىپ تاستالادى.
- كوكجايلاۋ كۋرورتىنىڭ قۇرىلىسىنا تىيىم سالىندى.
- ىلە-الاتاۋ ۇلتتىق پاركىندە زاڭسىز تاراتىلعان جەر كەرى قايتارىلادى.
LRT جوباسىن جۇزەگە اسىرۋدا جىمقىرىلعان قاراجاتقا قاتىستى تەرگەۋ باستالدى.
- پارلامەنت الداعى ۋاقىتتا توقايەۆتىڭ وزگە دە باستامالارىن جۇزەگە اسىراتىن زاڭ قابىلدايدى. ونىڭ ىشىندە پەدوفيليا، ايەلدەرگە زورلىق-زومبىلىق كورسەتۋ، ەسىرتكى تاراتۋ، مال ۇرلىعى جانە وزگە دە اۋىر قىلمىستىڭ جازاسى قاتاڭدايدى.
تاعى ءبىر شاعىن دەتالعا نازار اۋدارۋعا ءتيىسپىز.
ەشبىر شەندى-شەكپەندىنىڭ كابينەتىندە، كوشەدەگى بيلبوردتاردا مەملەكەت باسشىسىنىڭ پورترەتى جوق. اقتاۋدا ءوزىنىڭ سۋرەتى سالىنعان بيلبوردتى ورناتقانداردى توقايەۆ سىنعا العان بولاتىن.
«بۇل مۇلدە ورىنسىز! مەن مۇنداي دارىپتەۋگە مۇقتاج ەمەسپىن»، – دەدى مەملەكەت باسشىسى سول جولى.
سوعان قاراعاندا، قازىرگى پرەزيدەنتكە پروپاگاندانىڭ دا، پورترەتتىڭ دە قاجەتى شامالى. توقايەۆ – ناقتى ءىستى، ناتيجەلى يدەيانى قۇپتايتىن ادام»، – دەيدى بلوگەر.
