Jyl sońyna deiin 175 jańa jolaýshylar vagonyn satyp alý josparlanyp otyr, dep habarlaidy Dalanews.kz.
Premer-ministrdiń birinshi orynbasary Roman Skliar Úkimette ótken baspasóz konferentsiiasynda Memleket basshysynyń kólik infraqurylymyn damytý boiynsha bergen tapsyrmasy aiasynda júrgizilip jatqan jumystar týraly baiandady.
Onyń aitýynsha, elimizde birqatar iri temirjol jobalary iske asyrylyp jatyr. Máselen "Dostyq – Moiynty" jáne "Almaty qalasynyń ainalma joly" jobalary aiaqtalý satysynda.
Kelesi jyly "Moiynty – Qyzyljar", "Darbaza – Maqtaaral" jobalary aiaqtalady. Al 2027 jyly "Baqty – Aiagóz" jobasy iske qosylady.
"Jyl sońyna deiin 175 jańa jolaýshylar vagonyn satyp alý josparlanyp otyr. Áýe habtaryn damytý jáne áýe júkteriniń kólemin arttyrý maqsatynda áýejai infraqurylymy jańǵyrtylyp, kedendik rásimder jeńildetilýde, tsifrlyq sheshimder engizilip jatyr. Zaisan, Katonqaraǵai jáne Kendirli kýrorttyq aimaqtarynda áýejai qurylysy bastaldy. Avtokólik joldary salasynda 12 myń shaqyrym jol qurylys jáne jóndeý jumystarymen qamtylǵan, onyń 7 myń shaqyrym aǵymdaǵy jyly sońyna deiin aiaqtaý josparlanyp otyr",- dedi ol.
