جىل سوڭىنا دەيىن 175 جاڭا جولاۋشىلار ۆاگونىن ساتىپ الۋ جوسپارلانىپ وتىر، دەپ حابارلايدى Dalanews.kz.
پرەمەر-مينيستردىڭ ءبىرىنشى ورىنباسارى رومان سكليار ۇكىمەتتە وتكەن باسپا ءسوز كونفەرەنسياسىندا مەملەكەت باسشىسىنىڭ كولىك ينفراقۇرىلىمىن دامىتۋ بويىنشا بەرگەن تاپسىرماسى اياسىندا جۇرگىزىلىپ جاتقان جۇمىستار تۋرالى باياندادى.
ونىڭ ايتۋىنشا، ەلىمىزدە ءبىرقاتار ءىرى تەمىرجول جوبالارى ىسكە اسىرىلىپ جاتىر. ماسەلەن "دوستىق – مويىنتى" جانە "الماتى قالاسىنىڭ اينالما جولى" جوبالارى اياقتالۋ ساتىسىندا.
كەلەسى جىلى "مويىنتى – قىزىلجار"، "داربازا – ماقتاارال" جوبالارى اياقتالادى. ال 2027 جىلى "باقتى – اياگوز" جوباسى ىسكە قوسىلادى.
"جىل سوڭىنا دەيىن 175 جاڭا جولاۋشىلار ۆاگونىن ساتىپ الۋ جوسپارلانىپ وتىر. اۋە حابتارىن دامىتۋ جانە اۋە جۇكتەرىنىڭ كولەمىن ارتتىرۋ ماقساتىندا اۋەجاي ينفراقۇرىلىمى جاڭعىرتىلىپ، كەدەندىك راسىمدەر جەڭىلدەتىلۋدە، سيفرلىق شەشىمدەر ەنگىزىلىپ جاتىر. زايسان، كاتونقاراعاي جانە كەندىرلى كۋرورتتىق ايماقتارىندا اۋەجاي قۇرىلىسى باستالدى. اۆتوكولىك جولدارى سالاسىندا 12 مىڭ شاقىرىم جول قۇرىلىس جانە جوندەۋ جۇمىستارىمەن قامتىلعان، ونىڭ 7 مىڭ شاقىرىم اعىمداعى جىلى سوڭىنا دەيىن اياقتاۋ جوسپارلانىپ وتىر"،- دەدى ول.
