Toqaevtyń bir sózin túsinbedim
Kásipkerdiń aitýynsha bul Joldaýdyń kemshiligi kóp, degenmen tyrnaq astynan kir izdep, kópe-kórneý aiyptaý da artyq.
"Sondyqtan negativke salynbaimyn. Syrttai óz reaktsiiamdy obektivti túrde aitýǵa tyrysaiyn", – degen Marǵulan Seisembai Joldaýdaǵy 5 mańyzdy baǵytqa toqtalypty.
"Meniń oiymsha, joldaýda erekshe atap ótýge turatyn jáne saiasi tezisterge qatysty bes másele bar:
1. Álemdik tájiribe kórsetip otyrǵandai, buzyp-jarǵysh saiasi liberalizatsiia turaqsyzdyqqa ákep soǵady. Sondyqtan biz saiasi reformalardy alǵa attandaýmen emes, oilastyryp otyryp júrgizemiz.
Buǵan kelisermin. Biraq bul onsyz da joǵaltyp alǵan qanshama ýaqytymyzdy taǵy da ótkizý bolmasa igi edi.
2. «Bizdiń printsipimiz – saiasi modernizatsiiasyz ekonomikalyq reformalardy júrgizý múmkin emes», – dedi Prezident.
Mine, buǵan 100% kelisemin! Tipti 100500%!
3. «Zańda belgilengen tártipke sai, olarǵa (miting) ótkizýge ruqsat berý, ol úshin arnaiy oryn belgileý. Alaida, ol qala syrtynda bolmaýy kerek», – dedi.
Tutastai alǵanda, ilgerileý baiqalady. Biraq, menińshe, mitingiler eskertýshi sipatta ótýi kerek. Sondai-aq, mitingini uiymdastyrýshylar óz qaýipsizdigi úshin alańdaityn bolsa, ony habarlaýy tiis.
4. "Politsiianyń memlekettiń kúsh quraly retindegi beinesi birtindep kelmeske ketedi. Ol azamattardyń qaýipsizdigin qamtamasyz etý úshin qyzmet kórsetetin organǵa ainalady».
Mine, taǵy da 100500% kelisemin!
Men tek «birtindep» degen sózdiń kúntizbege qoiylǵanyn jáne naqty merzimin estigim keledi.
5. «Aldaǵy májilis pen máslihat sailaýy elimizdegi kóppartiialy júieniń odan ári damýyna sep bolýy kerek».
Ne bul? Jańa partiiany tirkeýdi jeńildetý jónindegi ýádesi me, álde tek sailaý sep bolýǵa «tiis» degen tilegi ǵana ma?
Óz basym bul sózdi túsinbedim", – deidi kásipker.
Onyń oiynsha bul jolǵy Joldaý biliktiń áleýmettik jelidegi narazylyqqa qulaq túre bastaǵanynyn kórinisi boldy.
"Toqaev jurttyń áleýmettik jelidegi reaktsiiasyna osy Joldaý arqyly jaýap berdi ári ómirimizdegi keleńsiz kórinisterdi retteýge ýáde berdi. Munyń ózi jaman emes", – deidi Marǵulan Seisembai.
