Jalpy Qyzyl alańda ótken áskeri sherýge sanaýly kúnder qalǵan kezde tek Qyrǵyzstan prezidenti Sapar Japparov qana paradqa baratynyn ashyp aitqanyn bilemiz.
Kerek deseńiz, qiyn qystaý kezeńde Pýtinniń janynan tabylatyn Belorýs basshysy Aleksandr Lýkashenko da paradqa qatasyp, qatyspaitynyn sońǵy ýaqytqa deiin ashyp aitpai keldi.
Sol siiaqty Qazaqstan, Ózbekstan, Túrkimenstan, Tájikstan jáne Armeniia basshylarynyń o bastan Pýtinniń áskeri paradyna qatysýǵa qulqy bolmaǵany anyq. Sol sebepti olar Másekeýdegi paradqa qatysatyny jaiynda lám-lim dep aýyz ashpady.
Biraq dál áskeri sherý ótetin kúni Ortalyq Aziia basshylarynyń Máskeýdegi áskeri paradqa qatysatyny belgili boldy.
Osy rette kópshiliktiń kókeiinde Ortalyq Aziia elderi men Armeniianyń basshylaryn Máskeýdegi paradqa qandai qudiretti kúsh jetektep bardy degen saýal týyndatityny anyq.
Osylai bas qatyrǵanymyzda «Ýkrlaif» Iýtýb aranasyna suhbat bergen ýkrainalyq saiasattanýshy Vladimir Fesenko biraz shyndyqtyń betin ashty. Saiasattanýshy Ortalyq Aziia elderi basshylarynyń paradqa qatysýyna Qytai basshysy Si Tszinpin men Iran prezidenti Ebrahim Raisidiń qatysy bolǵanyn aitty.
– Pýtin áskeri paradqa ózge eldiń basshylarynyń qatysqanyn qatty qalady. Ol birinshe kezekte postkeńestik elderdiń basshylaryn paradqa qatystyrýdy oilaǵany anyq.
Máselen, ol óziniń jeke shaqyrtýymen áskeri sherýge Qazaqstan, Ózbekstan jáne Armeniia basshylary kelmeitinin bildi. Óitkeni, sońǵy ýaqyttary Qazaqstan men Armeiianyń basshylary Pýtinnen irgesin aýlaq sala bastaǵany belgili. Sondyqtan olardy pardqa kelýge qulqy da, nieti de bolmady.
Bul iske Qytai basshysy Si Tszinpin aralaspaǵanda Ortalyq Aziia basshylary Máskeýge barmas edi. Osy paradtan keiin Beijińde Qytai jáne Ortalyq Aziia elderiniń forýmy ótetini belgili. Al oǵan Ortalyq Aziia elderiniń basshylary tolyqtai qatysady.
Al Armeniianyń Úkimet basshysy Nikol Pashiniannyń Máskeýge kelýine resmi Tegeran yqpal etkeni anyq. Al osy toptan qalmaý úshin aýyryp jatsa da Belorýs basshysy Lýakshenko paradqa qatysýǵa májbúr boldy.
Áskeri sherý kezinde Qazaqstan men Armeniia basshylary georgii lentasy keýdesine taqpai, bul sherýge amalsyzdan kelgenderin kórsetkendei boldy, – deidi Vladimir Fesenko.
Iá, aitsa aitqandai Qasym-Jomart Toqaev pen Nikol Pashiniannyń keýdesinen georgii lentasyn kórmedik. Olar meilinshe Pýtinnen qashyq júrýge tyrysty.
Bul endi Pýtinniń Qyzyl alańdaǵy sońǵy parady bolýy múmkin.
