Prezident Qasym-Jomart Toqaev «Ialla» ansambliniń kórkemdik jetekshisi Farrýh Zakirovke 80 jasqa tolýyna orai quttyqtaý jedelhatyn joldady, dep habarlaidy Dala News.
Memleket basshysy óner iesiniń shyǵarmashylyǵyn joǵary baǵalap, onyń talanty men eńbegi milliondaǵan tyńdarmannyń yqylasyna ie bolǵanyn atap ótti.
«Týma talantyńyzdyń, sarqylmas kúsh-qýatyńyz ben erekshe eńbekqorlyǵyńyzdyń arqasynda shyǵarmashylyǵyńyzǵa tánti milliondaǵan tyńdarmannyń yqylasyna bólendińiz. Sizdiń ónerińiz jyldar boiy birneshe býyn urpaq pen halyqtardy baýrady. Qazaqstanda qaitalanbas daýysyńyzdy jáne tutas dáýirdiń mádeni fenomenine ainalǵan áigili «Ialla» ansambliniń oryndaýyndaǵy tanymal ánderdi jaqsy kóredi», – delingen jedelhatta.
Sonymen qatar Prezident mádeniet pen mýzyka ónerin damytýǵa, halyqtar arasyndaǵy dostyqty nyǵaitýǵa qosqan úlesi úshin Zakirovti II dárejeli «Dostyq» ordenimen marapattady.
