پرەزيدەنت قاسىم-جومارت توقايەۆ «ياللا» ءانسامبلىنىڭ كوركەمدىك جەتەكشىسى فاررۋح زاكيروۆكە 80 جاسقا تولۋىنا وراي قۇتتىقتاۋ جەدەلحاتىن جولدادى، دەپ حابارلايدى Dala News.
مەملەكەت باسشىسى ونەر يەسىنىڭ شىعارماشىلىعىن جوعارى باعالاپ، ونىڭ تالانتى مەن ەڭبەگى ميلليونداعان تىڭدارماننىڭ ىقىلاسىنا يە بولعانىن اتاپ ءوتتى.
«تۋما تالانتىڭىزدىڭ، سارقىلماس كۇش-قۋاتىڭىز بەن ەرەكشە ەڭبەكقورلىعىڭىزدىڭ ارقاسىندا شىعارماشىلىعىڭىزعا ءتانتى ميلليونداعان تىڭدارماننىڭ ىقىلاسىنا بولەندىڭىز. ءسىزدىڭ ونەرىڭىز جىلدار بويى بىرنەشە بۋىن ۇرپاق پەن حالىقتاردى باۋرادى. قازاقستاندا قايتالانباس داۋىسىڭىزدى جانە تۇتاس ءداۋىردىڭ مادەني فەنومەنىنە اينالعان ايگىلى «ياللا» ءانسامبلىنىڭ ورىنداۋىنداعى تانىمال اندەردى جاقسى كورەدى»، – دەلىنگەن جەدەلحاتتا.
سونىمەن قاتار پرەزيدەنت مادەنيەت پەن مۋزىكا ونەرىن دامىتۋعا، حالىقتار اراسىنداعى دوستىقتى نىعايتۋعا قوسقان ۇلەسى ءۇشىن زاكيروۆتى ءىى دارەجەلى «دوستىق» وردەنىمەن ماراپاتتادى.
