Prezident Qasym-Jomart Toqaev qorshaǵan ortany qorǵaý salasyndaǵy birqatar halyqaralyq uiym basshylarymen kezdesý ótkizdi, dep habarlaidy Dala News.
Kezdesý barysynda Ortalyq Aziiadaǵy ekologiialyq bastamalardy iske asyrý joldary talqylandy. Memleket basshysy Óńirlik ekologiialyq sammitke qatysyp, qoldaý bildirgeni úshin delegatsiia ókilderine alǵys aitty.
Prezidenttiń aitýynsha, halyqaralyq sarapshylardyń tájiribesi ortaq ekologiialyq máselelerdi sheshýde tiimdi tásilderdi ilgeriletýge múmkindik beredi.
Toqaev Qazaqstannyń ornyqty damý men bioalýantúrlilikti qorǵaý baǵytyndaǵy halyqaralyq yntymaqtastyqqa basymdyq beretinin atap ótti. Sondai-aq elimizde ekologiialyq jaýapkershilik qaǵidattaryn iske asyrý mańyzdy ekenine toqtaldy.
Kezdesýde halyqaralyq uiym ókilderi sammittiń joǵary deńgeide uiymdastyrylǵanyn atap ótip, Memleket basshysyna rizashylyqtaryn bildirdi. Olar «Taza Qazaqstan» baǵdarlamasyn qoldaitynyn jáne ekologiialyq sanany arttyrý bastamalaryn quptaitynyn jetkizdi.
Sonymen qatar qonaqtar Qazaqstannyń klimat ózgerisi men sý qaýipsizdigine qatysty jahandyq bastamalaryn qoldady.
Jiynǵa Inger Andersen, Ivonn Igero, Astrid Shomaker jáne Rolf Paie qatysty.
