Prezident Qasym-Jomart Toqaev Qazaqstan Respýblikasy vitse-prezidentiniń ókilettigin aiqyndaityn jarlyqqa qol qoidy. Qujat 5 qyrkúiekten bastap kúshine endi, dep habarlaidy dalanews.kz.
Jarlyq Konstitýtsiianyń 49-babynyń 3-tarmaǵyna jáne «Qazaqstan Respýblikasynyń Prezidenti týraly» Konstitýtsiialyq zańǵa sáikes qabyldanǵan.
Qujatqa sáikes, vitse-prezident Erlan Qarin memlekettiń ishki jáne syrtqy saiasatyna qatysty strategiialyq bastamalardy ázirleýdi qamtamasyz etip, olardy Prezidenttiń qaraýyna usynady.
Sondai-aq ol Memleket basshysynyń tapsyrmasy boiynsha Quryltaimen, Úkimetpen, memlekettik organdarmen, saiasi partiialarmen, qoǵamdyq birlestiktermen jáne halyqaralyq uiymdarmen ózara is-qimyl kezinde Prezident atynan ókildik etedi.
Budan bólek, vitse-prezident Prezidenttiń tapsyrmasymen halyqaralyq is-sharalarǵa qatysady.
Erlan Qaringe Álemdik jáne dástúrli dinder liderleri sezi hatshylyǵyn basqarý, sondai-aq Prezident janyndaǵy Qazaqstan strategiialyq zertteýler institýtynyń qyzmetine jetekshilik etý mindeti júkteldi.
Vitse-prezident Memlekettik nagradalar, azamattyq máseleleri, geraldika, shetelde kadr daiarlaý, ál-Farabi atyndaǵy ǵylym men tehnika salasyndaǵy jáne Abai atyndaǵy ádebiet pen óner salasyndaǵy memlekettik syilyqtardy berý jónindegi komissiialardyń jumysyna qatysady. Sonymen qatar Jastar saiasaty jónindegi keńestiń qyzmetin qamtamasyz etedi.
Belgilengen ókilettikterdi júzege asyrý úshin vitse-prezident ókim shyǵarýǵa jáne óz quzyretine kiretin máseleler boiynsha ortalyq jáne jergilikti atqarýshy organdarǵa tapsyrma berýge quqyly.
Ol Quryltai, Úkimet, Qazaqstan Halyq Keńesi jáne Prezident janyndaǵy konsýltativtik-keńesshi organdardyń otyrystaryna qatysa alady.
Sonymen birge vitse-prezident memlekettik organdar men laýazymdy tulǵalardan qajetti aqparat pen qujattardy suratýǵa, Prezident aktileriniń jobalaryn ázirleý úshin vedomstvoaralyq jumys toptaryn qurýǵa quqyly.
Vitse-prezidenttiń qyzmetin uiymdastyrýshylyq-quqyqtyq, aqparattyq-taldamalyq jáne basqa da baǵyttar boiynsha Prezident Ákimshiligi qamtamasyz etedi.
