Memleket basshysy Qasym-Jomart Toqaev birqatar halyqaralyq kelisimderdi ratifikatsiialaý týraly zańdarǵa qol qoidy, dep habarlaidy DalaNews.
Atap aitqanda, Túrki memleketteri uiymynyń Azamattyq qorǵaý tetigin qurý týraly kelisim ratifikatsiialandy. Bul qujat tótenshe jaǵdailar kezinde memleketter arasyndaǵy ózara kómekti kúsheitýge baǵyttalǵan.
Sonymen qatar, Eýraziialyq ekonomikalyq odaq aiasyndaǵy tehnikalyq reglamentter talaptaryn memlekettik baqylaý boiynsha kelisimge ózgerister engizý týraly hattama bekitildi. Bul ózgerister múshe elderdiń zańnamasyn úilestirýge múmkindik beredi.
Budan bólek, EAEO kedendik aýmaǵynan áketiletin taýarlardyń shyqqan jerin aiqyndaýdyń úilestirilgen júiesi týraly kelisim de ratifikatsiialandy.
Qujattardyń mátini resmi túrde baspasózde jariialanady.
