Memleket basshysy aldaǵy Ulttyq dombyra kúnimen quttyqtady,- dep habarlaidy Dalanews.kz.
"Dombyra – ult bolmysy, halyq qazynasy. "Qazaq naǵyz qazaq emes, naǵyz qazaq – dombyra". Ásirese, óskeleń urpaqtyń dombyraǵa degen yqylasy erekshe. Jastar tól mádenietimizdi tereń túsinip, salt-dástúrimizge qurmetpen qaraidy. Bul – óte jaqsy úrdis. Óitkeni ata-babalarymyzdyń mádeni murasyn kózdiń qarashyǵyndai saqtaý – naǵyz otanshyldyqtyń kórinisi. Otanǵa súiispenshilik – memlekettiligimizdiń temirqazyǵy. Qazaqstan jastarynyń muny jaqsy túsinip, qoldaitynyna rizamyn. Memleket rýhaniiat salasyn barynsha damyta beredi. Dástúrli ónerdiń dúldúlderi Qairat Baibosynov "Qazaqstannyń Eńbek Eri", Aigúl Úlkenbaeva, Aigúl Qosanova "Qazaqstannyń halyq ártisi" ataǵyna ie boldy. Qasietti qara dombyranyń kúmbirin búkil álemge pash etip júrgen azamattarǵa alǵys aitamyn", – dep jazdy Qasym-Jomart Toqaev X paraqshasynda.
Ulttyq dombyra kúni shildeniń alǵashqy jeksenbisinde atap ótiledi.
