Telefon arqyly mazmundy áńgime órbitken eki memlekettiń basshylary ekijaqty kún tártibi men halyqaralyq ahýal, sonyń ishinde Ýkraina problematikasy jóninde pikir almasty, dep habarlaidy Dalanews.kz
Qasym-Jomart Toqaev biyl qarasha aiynda Vashingtonǵa jasaǵan sapary kezinde qol jetkizilgen ýaǵdalastyqtardy tolyq iske asyrýǵa nietti ekenin aitty.
Qazaqstan Prezidenti Ýkraina qaqtyǵysyn retteýdiń kúrdeli sipatyna nazar aýdardy. Óitkeni bul shieleniste territoriialyq kelispeýshilik basty máselege ainalyp otyr. Sondyqtan qazirgi naqty jaǵdaidy eskere otyryp, eki jaqtyń mámilege kelýi mańyzdy.
Elimiz barlyq tarapty tózimdilik, ikemdilik jáne kásibilik tanytyp, beibitshilik formýlasyn izdeýdi jalǵastyrýǵa shaqyrady. Bul rette Qazaqstan araaǵaiyn emes, biraq qajet bolǵan jaǵdaida kelissóz alańyn usynýǵa daiyn.
Qasym-Jomart Toqaev Donald Tramptyń kóshbasshylyq qasieti arqasynda birqatar halyqaralyq áskeri qaqtyǵys toqtap, AQSh-tyń ishki áleýetin kúsheitýde oń nátijege qol jetkizilgenin atap ótti.
Memleket basshysy Amerika Prezidentin ózine qolaily ýaqytta Qazaqstanǵa saparmen kelýge shaqyrdy. Bul ekijaqty qarym-qatynastaǵy tarihi ýaqiǵa bolatynyna senim bildirdi.
