BUU Bas assambleıasynyń 74-sessıasynyń resmı is-sharasy aıasynda Memleket basshysy Qasym-Jomart Toqaev AQSH prezıdenti Donald Tramppen qysqa kezdesý ótkizdi,– dep habarlaıdy Dalanews.kz Aqorda saıtyna silteme jasap.

Kezdesý barysynda eki eldiń kóshbasshylary qazaqstan-amerıkalyq keńeıtilgen strategıalyq seriktestiktiń ózekti máseleleri men bolashaǵyn talqylady.

Qasym-Jomart Toqaev AQSH-pen saıası, saýda-ekonomıkalyq, gýmanıtarlyq salalardaǵy, sondaı-aq aımaqtyq jáne jahandyq qaýipsizdikti qamtamasyz etý salasyndaǵy jan-jaqty qatynastardy odan ári nyǵaıtýdy jalǵastyratyndyǵyn atap ótti.