Prezidenttiń synynan keiin Kólik ministrliginde ishki tekseris júrgiziledi, dep habarlaidy Dalanews.kz.
Kólik ministrligi 2025 jylǵy 20 mamyrdan bastap Tsifrlandyrý jáne memlekettik kórsetiletin qyzmetter departamentteriniń qyzmetinde sybailas jemqorlyq táýekelderine ishki taldaý júrgizý bastalatynyn jariialady.
Aita keteiik, jýyrda Prezident Qasym-Jomart Toqaevtyń tóraǵalyǵymen Qazaqstan Respýblikasy Qaýipsizdik Keńesiniń kólik-logistika salasyn damytý máseleleri jónindegi otyrysy ótti. Kólik ministri Marat Qarabaevtyń jáne birqatar ortalyq memlekettik organdar basshylarynyń baiandamalary tyńdaldy.
Memleket basshysy kólik salasyndaǵy ahýaldy synǵa aldy. Qordalanǵan problemalar men belgilengen mejelerdiń oryndalmaýy jańǵyrtý jumystaryn júrgizýge kedergi keltirip otyrǵanyn aitty.
Jiyn sońynda Prezident ministr Marat Qarabaevqa jumys barysynda jibergen kemshilikteri úshin sógis jariialady.
Memleket basshysy kólik-logistika salasyndaǵy problemalardy sheshýge qatysty naqty sharalar qabyldaýdy tapsyrdy.
