پرەزيدەنتتىڭ سىنىنان كەيىن كولىك مينيسترلىگىندە ىشكى تەكسەرىس جۇرگىزىلەدى، دەپ حابارلايدى Dalanews.kz.
كولىك مينيسترلىگى 2025 جىلعى 20 مامىردان باستاپ سيفرلاندىرۋ جانە مەملەكەتتىك كورسەتىلەتىن قىزمەتتەر دەپارتامەنتتەرىنىڭ قىزمەتىندە سىبايلاس جەمقورلىق تاۋەكەلدەرىنە ىشكى تالداۋ جۇرگىزۋ باستالاتىنىن جاريالادى.
ايتا كەتەيىك، جۋىردا پرەزيدەنت قاسىم-جومارت توقايەۆتىڭ توراعالىعىمەن قازاقستان رەسپۋبليكاسى قاۋىپسىزدىك كەڭەسىنىڭ كولىك-لوگيستيكا سالاسىن دامىتۋ ماسەلەلەرى جونىندەگى وتىرىسى ءوتتى. كولىك ءمينيسترى مارات قارابايەۆتىڭ جانە ءبىرقاتار ورتالىق مەملەكەتتىك ورگاندار باسشىلارىنىڭ باياندامالارى تىڭدالدى.
مەملەكەت باسشىسى كولىك سالاسىنداعى احۋالدى سىنعا الدى. قوردالانعان پروبلەمالار مەن بەلگىلەنگەن مەجەلەردىڭ ورىندالماۋى جاڭعىرتۋ جۇمىستارىن جۇرگىزۋگە كەدەرگى كەلتىرىپ وتىرعانىن ايتتى.
جيىن سوڭىندا پرەزيدەنت مينيستر مارات قارابايەۆقا جۇمىس بارىسىندا جىبەرگەن كەمشىلىكتەرى ءۇشىن سوگىس جاريالادى.
مەملەكەت باسشىسى كولىك-لوگيستيكا سالاسىنداعى پروبلەمالاردى شەشۋگە قاتىستى ناقتى شارالار قابىلداۋدى تاپسىردى.
