Qyrǵyz Respýblikasyna memlekettik sapary kezinde Qazaqstan Prezidenti Qasym-Jomart Toqaev Ala-Archa rezidentsiiasynda óziniń áriptesi Sooronbai Jeenbekovpen shaǵym quramda kelissózder ótkizdi. Qazaqstan men Qyrǵyz Respýblikasy Joǵary Memleketaralyq keńesiniń besinshi otyrysy bastaldy, dep habarlaidy Dalanews.kz.
Aldyndaǵy tórtinshi otyrys 2014 jyly Qazaqstan astanasynda ótken bolatyn. Bul keńes eki el arasyndaǵy yntymaqtastyqtyń joǵarǵy organy bolyp tabylady.
Besinshi otyrysqa Toqaevpen birge Qazaqstannyń birneshe ministrleri bar shaǵyn delegatsiia da keldi.
- Bizdiń otyrystyń kúntártibi aýqymdy jáne qazaq-qyrǵyz yntymaqtastyǵynyń óte ózekti máselelerin qamtidy. Biraq, negizinen, biz basty máselelerdi shaǵyn quramda talqylap kettik, aradaǵy bar máselelerdi qalai jáne qashan sheshý boiynsha tolyqtai ózara túsinistikke keldik. Biz keńeitilgen quramda ózara tiimdi jáne ymyraǵa keletin sheshimder qabyldaitynymyzǵa senimdimin, - dedi Qasym-Jomart Toqaev.
Jiynnyń sońynda qos Prezident baspasóz aldynda birqatar birlesken qujattarǵa qol qoiý úshin shyǵady dep kútilýde.
