Qazaqstan Prezidenti Qasym-Jomart Toqaev Ózbekstan Prezidenti Shavkat Mirzieevke quttyqtaý jedelhatyn joldady, dep habarlaidy dalanews.kz.
Memleket basshysy Qazaqstan halqynyń atynan Shavkat Mirzieev pen Ózbekstan jurtshylyǵyn el táýelsizdiginiń 35 jyldyǵymen quttyqtady.
Qasym-Jomart Toqaev Ózbekstannyń memlekettilikti nyǵaitý, turaqty damýdy qamtamasyz etý jáne halyqaralyq arenadaǵy bedelin arttyrý baǵytynda eleýli jetistikterge jetkenin atap ótti.
Prezident bul tabystardy "Jańa Ózbekstandy" qurýǵa baǵyttalǵan strategiialyq saiasatpen bailanystyrdy.
Sondai-aq Memleket basshysy Qazaqstan men Ózbekstan arasyndaǵy kópǵasyrlyq dostyqty, tatý kórshilik pen ózara qoldaýdy joǵary baǵalaitynyn jetkizdi. Onyń aitýynsha, eki el arasyndaǵy jan-jaqty yntymaqtastyq búginde buryn-sońdy bolmaǵan joǵary deńgeide damyp keledi.
