Senat tóraǵasy Memleket basshysynyń Rim Papasyna joldaǵan arnaiy hatyn tapsyrdy. Prezident Qasym-Jomart Toqaev Rim Papasyn Qazaqstanǵa shaqyrdy, dep habarlaidy Dalanews.kz.
Senat tóraǵasy Máýlen Áshimbaev bastaǵan bir top depýtat Vatikanǵa sapary aiasynda Rim Papasy XIV Leonyń aýdientsiiasynda boldy.
"Senat tóraǵasy Rim Papasy XIV Leoǵa Qazaqstan Prezidenti Qasym-Jomart Toqaevtyń jyly lebizin jáne elimizge apostoldyq saparmen kelý jónindegi shaqyrýyn jetkizdi. Máýlen Áshimbaev kezdesýde Qazaqstannyń Vatikanmen kópjosparly yntymaqtastyqty odan ári nyǵaitýǵa múddeli ekenin atap ótti", - dep jazylǵan habarlamada.
