Memleket basshysy Qasym-Jomart Toqaev búgingi joldaýda Niý-Iorkte BUU Bas Assambleiasynyń sessiiasynda sóz sóileitinin aitty, dep habarlaidy Dalanews.kz.
"Osy jyldyń sońyna qarai men Reseige jáne Ózbekstanǵa baramyn. Astanada Ázerbaijan, Armeniia, Túrikmenstan basshylaryn qarsy alýǵa daiyndalyp jatyrmyz. Sondai-aq, Aziianyń, Eýropanyń, Afrikanyń birqatar memleket basshylarymen kezdesip, kelissóz júrgizý josparlanǵan", - dedi Prezident.
Sonymen qatar, AQSh-qa sapary týraly da aitty.
"Birikken Ulttar Uiymyna áli kúnge deiin esh balama joq. Qazaqstan ony kókeikesti halyqaralyq máseleniń bárin ádil sheshý jolyndaǵy negizgi kelissóz orny bola berýge tiis dep sanaidy. Degenmen Birikken Ulttar Uiymyn, ásirese, onyń eń basty organy – Qaýipsizdik Keńesin reformalaityn kez keldi. Men jaqynda Niý-Iork qalasynda Birikken Ulttar Uiymy Bas Assambleiasynyń mereitoilyq sessiiasynda sóz sóileimin. Basqosýda halyqaralyq ahýalǵa, sonyń ishinde Birikken Ulttar Uiymyn reformalaýǵa qatysty Qazaqstannyń kózqarasyn bildirmekpin", - dedi Toqaev.
