Prezident raqymshylyq týraly zańǵa qol qoiǵanyn jariialady, dep habarlaidy Dalanews.kz.
"Qylmystyq-atqarý júiesin izgilendirý, jetildirý úshin naqty sharalar qabyldaý qajet. Osydan úsh jyl buryn elimizde jalpyulttyq referendým ótti. Azamattarymyzdyń kópshiligi Ata zańǵa túzetý engizýdi qoldap daýys berdi. Reformanyń nátijesinde elimizdiń saiasi qurylymy túbegeili jańǵyrdy. Adam quqyqtaryn qorǵaý júiesinde aýqymdy ózgerister jasaldy. Konstitýtsiialyq Sot quryldy. Adam quqyqtary jónindegi ýákilge konstitýtsiialyq mártebe berildi. Onyń quzyreti keńeidi. Ólim jazasy birjola alynyp tastaldy. Munyń bári – Konstitýtsiiamyzǵa tán izgilik rýhynyń kórinisi. Sebebi Ata zańymyzǵa sáikes adam jáne onyń ómiri, quqyqtary men bostandyqtary, bul – eń qymbat qazyna. Biyl Konstitýtsiianyń qabyldanǵanyna 30 jyl tolady. Osyǵan orai, quqyq qorǵaý qurylymdary, depýtattar men quqyq qorǵaýshylar sottalǵan azamattarǵa raqymshylyq jasaý týraly bastama kóterdi. Parlament tiisti zańdy qarady, men bul zańǵa qol qoidym. Osy izgi sharanyń arqasynda jazasyn ótep jatqan 15 myńnan astam adamǵa amnistiia jariialandy", - dedi Toqaev.
Prezident sonyń eki myńnan astamy bostandyqqa shyǵatynyn málimdedi.
"Qalǵandarynyń jaza merzimi qysqarady. Onsha aýyr emes jáne aýyrlyǵy ortasha qylmys jasaǵandar ǵana raqymshylyqqa ilinedi. Eń aldymen, áleýmettik jaǵynan osal topqa jatatyn adamdarǵa, iaǵni, balasy bar áielderge, egde adamdarǵa, kámelet jasyna tolmaǵandarǵa jáne osy sanattaǵy basqa da azamattarǵa keshirim beriledi. Muny jaza basqan jandarǵa jasalǵan naqty kómek, olardyń qoǵamǵa qaita oralýyna jaǵdai jasaý dep túsiný qajet. Ál-Farabidiń sózimen aitsaq, bul – shyn máninde qaiyrymdy elge tán sipat", - dedi Memleket basshysy.
