Memleket basshysy Qasym-Jomart Toqaev Respýblikalyq tamyz konferentsiiasynyń plenarlyq otyrysynda sóz sóiledi, dep habarlaidy dalanews.kz.
️Prezidenttiń sózinshe, qazir búkil bilik júiesin jáne qoǵamdyq institýttardy aýqymdy jańǵyrtý jumysy júrip jatyr.
"Osydan birneshe kún buryn alǵashqy Quryltai sailaýy ótti. Al keshe onyń nátijeleri shyqty. Bul óte mańyzdy saiasi naýqan, saiasi is-shara dep te aitýǵa bolady, shyn máninde, buryn-sońdy bolmaǵan joǵary deńgeide uiymdastyryldy. Osy iste Ortalyq sailaý komissiiasy úlken ról atqardy. Sailaý úderisine durys sheshimder, sonyń ishinde jasandy intellekt tehnologiiasy engizilýde. Mundai ádis-tásilder naýqannyń sapasyn arttyra tústi. Sondai-aq sailaýǵa sheteldik baiqaýshylar tarapynan da qyzyǵýshylyq joǵary boldy. Halyqaralyq qaýymdastyq sailaý nátijesin moiyndady, onyń ulttyq zańnamaǵa jáne barlyq talaptarǵa sai ótkenin atap ótti.
Men búgin Konstitýtsiianyń 46-babyna sáikes birinshi shaqyrylymdaǵy Quryltaidyń birinshi sessiiasyn shaqyrý týraly Jarlyqqa qol qoidym. Alqaly jiyn 28 tamyz kúni bolady. Oǵan deiin Quryltaiǵa ótken partiialar depýtattardyń tizimin ázirleýge tiis", - dedi Qasym-Jomart Toqaev.
