Memleket basshysy Qostanai oblysynyń ákimi Qumar Aqsaqalovty qabyldady, dep habarlaidy Dalanews.kz.
Qasym-Jomart Toqaevqa óńirdiń biylǵy birinshi jartyjyldyqtaǵy áleýmettik-ekonomikalyq damý barysy men aldaǵy kezeńge arnalǵan jospary baiandaldy.
Qumar Aqsaqalovtyń aitýynsha, oblystyń ónerkásip kásiporyndary 1,82 trillion teńgeniń ónimin óndirgen. Bul ótken jylmen salystyrǵanda 4,3 paiyzǵa joǵary. Quny 337 milliard teńge bolatyn 13 iri investitsiialyq joba júzege asyrylyp jatyr. Osy arqyly 3,4 myńnan astam jumys orny ashylady.
Mańyzdy jobalardyń qatarynda jylyna 70 myń avtokólik shyǵaratyn KIA zaýyty kóp uzamai iske qosylady. Bul jańadan 1500 jumys ornyn qurýǵa múmkindik beredi. Sondai-aq júk avtomobilderine jetekshi beldem óndiretin «Kamlit.KZ» zaýyty bar. Jobanyń investitsiia kólemi – 160,5 milliard teńge. Onda 550 jumys orny ashylmaq. Budan bólek, Arqalyq áýejaiyn qalpyna keltirý jumystary qolǵa alyndy.
Memleket basshysyna jyl basynan beri óńirde 22 áleýmettik nysan iske qosylǵany týraly málimet berildi. Jyl sońyna deiin taǵy 29 áleýmettik nysandy paidalanýǵa berý josparlanyp otyr.
Turǵyn úi-kommýnaldyq sharýashylyǵyn jańǵyrtý aiasynda oblysta sý taratý jáne sý burý júielerine qatysty 54 joba iske asyrylyp jatyr. Qala halqynyń 99 paiyzy, al aýyl turǵyndarynyń 91,3 paiyzy ortalyqtandyrylǵan sý qubyryna qosylǵan.
Biyl oblystyń kólik infraqurylymyn damytýǵa 102 milliard teńge bólingen. Bul 2024 jylmen salystyrǵanda 40 paiyzǵa artyq. 1300 shaqyrym avtojolǵa, sonyń ishinde 7 respýblikalyq trassada qurylys, rekonstrýktsiia jáne kúrdeli jóndeý jumystary júrgizilip jatyr. Jezqazǵan – Petropavl ýchaskesiniń rekonstrýktsiiasy aiaqtalýǵa jaqyn. Qostanai – Mamliýt joly tolyq jańardy. Ekaterinbýrg – Almaty baǵytyndaǵy Sarykólden Aqmola oblysynyń shekarasyna deiingi ýchaskede jóndeý jumystary jalǵasýda.
Eldi mekenderdiń kósheleri men joldaryn jaqsartýǵa airyqsha kóńil bólinedi. Biýdjetten 103 aýyldaǵy 400-den astam kósheni jóndeýge 29 milliard teńge baǵyttaldy. Bul 2022 jylmen salystyrǵanda 2,5 ese kóp.
Kezdesý sońynda Prezident investitsiia kólemin odan ári arttyrý, ónerkásip pen agrarlyq sektordy damytý, áleýmettik infraqurylymdardy jańǵyrtý, turǵyndardyń turmys sapasyn jaqsartý qajettiligine nazar aýdardy.
Qasym-Jomart Toqaev jylytý maýsymyna ázirlikti ýaqtyly aiaqtap, kúzgi jiyn-terin naýqanyn sapaly uiymdastyrýdy, sondai-aq aýyl turǵyndarynyń aýyzsýǵa qoljetimdiligin arttyrý úshin júieli sharalar qabyldaýdy tapsyrdy.
