مەملەكەت باسشىسى قوستاناي وبلىسىنىڭ ەكٸمٸ قۇمار اقساقالوۆتى قابىلدادى, دەپ حابارلايدى Dalanews.kz.
قاسىم-جومارت توقاەۆقا ٶڭٸردٸڭ بيىلعى بٸرٸنشٸ جارتىجىلدىقتاعى ەلەۋمەتتٸك-ەكونوميكالىق دامۋ بارىسى مەن الداعى كەزەڭگە ارنالعان جوسپارى باياندالدى.
قۇمار اقساقالوۆتىڭ ايتۋىنشا, وبلىستىڭ ٶنەركەسٸپ كەسٸپورىندارى 1,82 تريلليون تەڭگەنٸڭ ٶنٸمٸن ٶندٸرگەن. بۇل ٶتكەن جىلمەن سالىستىرعاندا 4,3 پايىزعا جوعارى. قۇنى 337 ميلليارد تەڭگە بولاتىن 13 ٸرٸ ينۆەستيتسييالىق جوبا جٷزەگە اسىرىلىپ جاتىر. وسى ارقىلى 3,4 مىڭنان استام جۇمىس ورنى اشىلادى.
ماڭىزدى جوبالاردىڭ قاتارىندا جىلىنا 70 مىڭ اۆتوكٶلٸك شىعاراتىن KIA زاۋىتى كٶپ ۇزاماي ٸسكە قوسىلادى. بۇل جاڭادان 1500 جۇمىس ورنىن قۇرۋعا مٷمكٸندٸك بەرەدٸ. سونداي-اق جٷك اۆتوموبيلدەرٸنە جەتەكشٸ بەلدەم ٶندٸرەتٸن «كامليت.KZ» زاۋىتى بار. جوبانىڭ ينۆەستيتسييا كٶلەمٸ – 160,5 ميلليارد تەڭگە. وندا 550 جۇمىس ورنى اشىلماق. بۇدان بٶلەك, ارقالىق ەۋەجايىن قالپىنا كەلتٸرۋ جۇمىستارى قولعا الىندى.
مەملەكەت باسشىسىنا جىل باسىنان بەرٸ ٶڭٸردە 22 ەلەۋمەتتٸك نىسان ٸسكە قوسىلعانى تۋرالى مەلٸمەت بەرٸلدٸ. جىل سوڭىنا دەيٸن تاعى 29 ەلەۋمەتتٸك نىساندى پايدالانۋعا بەرۋ جوسپارلانىپ وتىر.
تۇرعىن ٷي-كوممۋنالدىق شارۋاشىلىعىن جاڭعىرتۋ اياسىندا وبلىستا سۋ تاراتۋ جەنە سۋ بۇرۋ جٷيەلەرٸنە قاتىستى 54 جوبا ٸسكە اسىرىلىپ جاتىر. قالا حالقىنىڭ 99 پايىزى, ال اۋىل تۇرعىندارىنىڭ 91,3 پايىزى ورتالىقتاندىرىلعان سۋ قۇبىرىنا قوسىلعان.
بيىل وبلىستىڭ كٶلٸك ينفراقۇرىلىمىن دامىتۋعا 102 ميلليارد تەڭگە بٶلٸنگەن. بۇل 2024 جىلمەن سالىستىرعاندا 40 پايىزعا ارتىق. 1300 شاقىرىم اۆتوجولعا, سونىڭ ٸشٸندە 7 رەسپۋبليكالىق تراسسادا قۇرىلىس, رەكونسترۋكتسييا جەنە كٷردەلٸ جٶندەۋ جۇمىستارى جٷرگٸزٸلٸپ جاتىر. جەزقازعان – پەتروپاۆل ۋچاسكەسٸنٸڭ رەكونسترۋكتسيياسى اياقتالۋعا جاقىن. قوستاناي – مامليۋت جولى تولىق جاڭاردى. ەكاتەرينبۋرگ – الماتى باعىتىنداعى سارىكٶلدەن اقمولا وبلىسىنىڭ شەكاراسىنا دەيٸنگٸ ۋچاسكەدە جٶندەۋ جۇمىستارى جالعاسۋدا.
ەلدٸ مەكەندەردٸڭ كٶشەلەرٸ مەن جولدارىن جاقسارتۋعا ايرىقشا كٶڭٸل بٶلٸنەدٸ. بيۋدجەتتەن 103 اۋىلداعى 400-دەن استام كٶشەنٸ جٶندەۋگە 29 ميلليارد تەڭگە باعىتتالدى. بۇل 2022 جىلمەن سالىستىرعاندا 2,5 ەسە كٶپ.
كەزدەسۋ سوڭىندا پرەزيدەنت ينۆەستيتسييا كٶلەمٸن ودان ەرٸ ارتتىرۋ, ٶنەركەسٸپ پەن اگرارلىق سەكتوردى دامىتۋ, ەلەۋمەتتٸك ينفراقۇرىلىمداردى جاڭعىرتۋ, تۇرعىنداردىڭ تۇرمىس ساپاسىن جاقسارتۋ قاجەتتٸلٸگٸنە نازار اۋداردى.
قاسىم-جومارت توقاەۆ جىلىتۋ ماۋسىمىنا ەزٸرلٸكتٸ ۋاقتىلى اياقتاپ, كٷزگٸ جيىن-تەرٸن ناۋقانىن ساپالى ۇيىمداستىرۋدى, سونداي-اق اۋىل تۇرعىندارىنىڭ اۋىزسۋعا قولجەتٸمدٸلٸگٸن ارتتىرۋ ٷشٸن جٷيەلٸ شارالار قابىلداۋدى تاپسىردى.
