Qazaqstan Prezıdenti Qasym-Jomart Toqaev óziniń Twitter áleýmettik jelisindegi paraqshasynda Qordaı oryn alǵan jaǵdaıǵa memlekettik organdardyń salǵyrttyǵy saldarynan oryn alǵanyn aıtty, – dep habarlaıdy Dalanews.kz aqparat agenttigi.

Óz kezeginde Memleket basshysy Qasym Jomart Toqaev Twitter jelisinde bylaı dep jazba qaldyrǵan.

«Memlekettik organdar qyzmetkerleriniń salǵyrttyǵy arqasynda arandatýshylar qantógis jasady. Olar jazalanady. Memleket zardap shekkenderge qoldaý kórsetedi. Beıbitshilik pen kelisim bizdiń basty baılyǵymyz, ony buzýǵa eshkimniń quqyǵy joq!» dep pikir bildirdi.

Sonymen qatar, Qordaı aýdanynda jaǵdaıdyń turaqty ekenin, Berdibek Saparbaev basqarǵan komısıa jumysyn jalǵastyryp jatqanyn aıtty.

«Qaıǵyly jaǵdaıǵa jol bergen memorgan qyzmetkerleri men arandatýshylar jaýapqa tartylady. Zardap shekkenderge kómek kórsetiledi. Otandastarymyzǵa azamattyq jaýapkershilik ustanymdary úshin rızashylyq bildiremin» dep jazdy Toqaev.

Keshe, 8 aqpanda Qordaı aýdanynda tótenshe jaǵdaı rejımi jarıalanǵan bolatyn.