Memleket basshysy Qytaı Komýnıstik partıasy Ortalyq komıteti Halyqaralyq baılanystar bóliminiń meńgerýshisi Lú Szánchaony qabyldady, – dep habarlaıdy Dalanews.kz.
Kezdesý barysynda Qasym-Jomart Toqaev qazaq-qytaı máńgi ári jan-jaqty strategıalyq seriktestigi qarqyndy damyp kele jatqanyn jáne bolashaqta da osy baǵyttan aınymaıtynyn atap ótti.
Prezıdent maýsym aıynda ekinshi «Ortalyq Azıa – Qytaı» samıtine qatysý úshin Astanaǵa keletin QHR Tóraǵasynyń sapary aıasynda strategıalyq seriktestiktiń jańa múmkindikteri aıqyndalatynyna senim bildirdi.
Memleket basshysy Tóraǵa Sı Szınpınniń halyqaralyq quqyqtyń negizgi qaǵıdattary men BUU Jarǵysyna saı ádil álemdik tártipti qalyptastyrýdy kózdeıtin jahandyq bastamalaryn qoldaıtynyn jetkizdi.
Qasym-Jomart Toqaev elimizdiń «birtutas Qytaı» saıasatyna beıil ekenin rastady.
Lú Szánchaonyń aıtýynsha, Qytaı Qazaqstandy strategıalyq turǵydan mańyzdy seriktes retinde qarastyrady jáne qazaq-qytaı máńgi ári jan-jaqty áriptestigin tereńdetýge erekshe mán beredi.
Kezdesý barysynda saýda-ekonomıkalyq, ınvestısıalyq jáne mádenı-gýmanıtarlyq salalardaǵy yntymaqtastyqty nyǵaıtý joldary talqylandy.
