Qazaqstannyń jalpy ishki ónimi 306 mlrd dollarǵa jetti, dep habarlaidy Dala News.
Prezident Qasym-Jomart Toqaevtyń aitýynsha, ótken jyldyń qorytyndysy boiynsha eldiń JIÓ kólemi 306 mlrd dollardy quraǵan. Bul – TMD elderi arasyndaǵy ekinshi iri kórsetkish jáne aimaq boiynsha eń joǵary nátije.
Memleket basshysy osy kórsetkishtiń arqasynda Qazaqstan álemniń eń iri 50 ekonomikasynyń qataryna kirgenin atap ótti.
Sonymen qatar halyqaralyq uiymdar men qarjy institýttarynyń boljamynsha, 2026 jyldyń qorytyndysynda Qazaqstannyń JIÓ kólemi 320 mlrd dollarǵa jetýi múmkin.
Prezidenttiń málimetinshe, Qazaqstan tikelei sheteldik investitsiialar kólemi boiynsha Ortalyq Aziiada kósh bastap tur. Elge tartylǵan investitsiialar kólemi 150 mlrd dollardan asty, bul óńirge kelgen barlyq investitsiianyń 69 paiyzyn quraidy.
Sondai-aq eldiń altyn-valiýta rezervteri 74 mlrd dollardy, al jiyntyq rezervteri 139 mlrd dollardy qurady.
Memleket basshysy ulttyq ekonomika turaqty ósim kórsetip otyrǵanyn jáne bul ósimniń sapaly damýymen erekshelenetinin atap ótti.
