– Qazaqstan basshylyǵynyń Máskeýge unamaityn, biraq ulttyq egemendik úshin mańyzdy qadamdar jasaýǵa batyly jetýde. Onyń qatarynda qazaq tilin latyn grafikasyna kóshirý bar. Bul qadam Reseidegi imperiiashyl kúshterdi ashýyn keltirgeni anyq.
Qazir de Qasym-Jomart Toqaev kóshbasshylyǵyndaǵy qazaq eli múmkindiginshe, táýelsiz saiasat júrgize bastaǵany baiqalady. Osynyń arqasynda búginde Qazaqstan – Ortalyq Aziiadaǵy kóńil-kúilerdiń barometrine ainaldy.
Qyrǵyzstannyń, Ózbekstannyń basshylary Toqaev myrzaǵa qarap, boiy men saiasatyn túzeitini, soǵan jii qarailaityny ańǵarylady.
Mysaly, Qazaqstan birinshi bolyp, Ýkrainadaǵy soǵysqa tól áskerin, jaýyngerlik kontingentin jibermeitinin úzildi-kesildi málimdedi.
Onyń ústine respýblika bul qatań pozitsiiasyn ózine tiisti usynys túspei jatyp, birden naqty aitty. Qazir taiǵanaqtamai, sol ustanymyn tabandy ustanyp otyr. Osynysymen de Qyrǵyz biliginen daralandy.
Ekinshiden, Qasym-Jomart Toqaev Ýkraina Prezidenti Vladimir Zelenskiimen telefon arqyly sóilesti. Bul – óte mańyzdy, simvoldyq máni bar joralǵy.
Úshinshiden, Qazaqstan biligi eldiń basty megapolisinde Ýkrainany jaqtaityn miting ótkizýge resmi sanktsiia berdi. Osy arqyly qazaq qoǵamynyń úlken bóliginiń ustanymy qandai ekenin Kremlge anyq uqtyrdy.
Tórtinshiden, Qazaqstan halyq bolyp, quny birneshe million dollar turatyn gýmanitarlyq júk jinap, Ýkraina jaǵyna attandyrdy.
Munyń báriniń astarly oiy, simvoldyq nyshany bar. Bálkim, munyń bári biliktiń aralasýynsyz, tómennen, halyq arasynan shyǵyp jatqan shyǵar.
Biraq Toqaev myrza halyqpen birge ekenin jáne buqara pikirimen sanasatynyn pash etip júr. Qazaqtardyń bul qadamdary bizdiń elderimizdegi bilikti oilantyp tastady. Olardyń bári qazir Qazaqstannyń saiasatyna kóz tigip otyr.
Árine, Qazaqstannyń táýelsiz baǵdary Máskeýdiń jynyna tiip, kijintedi. Ziýganov aýzymen áldebir sandyraqty taratty. Resei biligine qarasty REGNUM federaldyq aqparat agenttigi arqyly: «Rýkovodstvo Kazahstana vzialo kýrs na «ýkrainizatsiiý» dep baibalam kóterdi.
Bizde, ortalyqaziialyq sarapshylarda bul tek ashy kúlkili týdyrady. Eshkim de Ýkrainanyń taǵdyryn qaitalaǵysy kelmeidi. Qazaqstan bir jaǵynan, óz ustanymynda tabandaýǵa qýaty jetetinin kórsetti. Ekinshi jaǵynan, ol Reseidiń bul avantiýrasyna aralasqysy kelmeidi.
Endeshe Batys elderi Qazaqstanǵa eshqandai kiná qoia almasa kerek. Eger Qazaqstan birinshi bolyp, Reseiden teris ainalsa, ortalyqaziialyq elder sonyń sońynan eredi.
Biz Qazaqstan biliginiń ár iste óte abailap, baiyppen qimyldaitynyn baiqap otyrmyz. Demek oqiǵa óz qalybymen damýy, kúrt betburystar bolmaýy yqtimal. Qyrǵyzstan da endi beitarap ustanymdy saqtaýǵa tyrysýda.
2 naýryzda BUU Bas assambleiasy Reseidi aiyptaityn jáne odan áskerin dereý shyǵarýdy talap etetin qarar qabyldanǵanda, qazaq eli siiaqty Qyrǵyz Respýblikasy da qalys qaldy. Bul da biraz jaittan habar beredi.
Sebebi Belarýs, Soltústik Koreia, Eritreia jáne Siriia ǵana Reseidi qoldap, qararǵa qarsy daýys bergeni málim.
