Qurmetti elimizdiń pravoslav qaýymy!
Sizderdi Pasha merekesimen quttyqtaimyn!
Hristian jylnamasynda erekshe oryn alatyn bul mereke úmit pen súiispenshiliktiń, rýhani jańarýdyń simvoly sanalady. Pasha meiramynda jáne oǵan daiyndyq kezeńinde janashyrlyq, meiirimdilik, tatý kórshilik, ózara kómek qasietteri el ishinde keńinen dáripteledi.
Pravoslav qaýymy qoǵamda ádildik, beibitshilik, kelisim, tózimdilik jáne senim qaǵidattaryn qalyptastyrýǵa eleýli úles qosyp keledi. Urpaqtan urpaqqa jalǵasqan Pasha dástúri otbasyndaǵy yntymaqty saqtaýǵa jáne adamgershilik qarym-qatynasty nyǵaitýǵa yqpal etedi, úlkenge qurmet kórsetip, jaqynyńa janashyr bolýǵa baýlidy.
Ulttyq birlik pen konfessiiaaralyq kelisimniń saqtalýy, dástúrli qundylyqtar men jan-jaqty jańǵyrýǵa degen umtylystyń úilesim tabýy elimizdiń ósip-órkendeýine arqaý bolyp otyr.
Halqymyz beibitshilik pen turaqtylyq, zań men tártip, bilim men innovatsiia, qorshaǵan ortaǵa qamqorlyq pen tazalyq qaǵidattary berik ornyqqan ozyq elde ómir súrip, eńbek etýge umtylady. Respýblikalyq referendýmda qabyldanǵan Halyq Konstitýtsiiasy – sonyń aiqyn dáleli.
Biz qasterli Otanymyzdyń bolashaǵy jolyndaǵy ortaq jaýapkershilikti tereń sezine bilsek, kez kelgen syn-qaterdi eńserip, biik maqsattarymyzǵa jetetinimizge kámil senemin.
Osy jarqyn mereke árbir shańyraqqa shattyq pen baq-bereke syilasyn!
Barshańyzǵa zor densaýlyq, mol baqyt jáne tolaǵai tabys tileimin!
