Qasym-Jomart Toqaev Resei Federatsiiasynyń Prezidenti Vladimir Pýtinmen telefon arqyly sóilesti, dep habarlaidy Dalanews.kz.
Memleketter basshylary ekijaqty yqpaldastyqtyń qazirgi jai-kúiin talqylap, biyl Qazaqstan-Resei qarym-qatynasy mazmundy ári nátijeli bolǵanyn atap ótti.
Negizgi jetistikterdiń biri retinde eki eldiń bailanysy jan-jaqty strategiialyq seriktestik jáne odaqtastyq deńgeiine jetkenin aitýǵa bolady. Bul memleketter arasyndaǵy yntymaqtastyqtyń mańyzdy kezeńine ainaldy.
Qazaqstan Prezidenti Ýkraina qaqtyǵysyn retteý boiynsha kelissóz protsesiniń ilgerileýin quptap, ózara berik ýaǵdalastyqqa qol jetkizýge baǵyttalǵan saiasi-diplomatiialyq tásilderdi jalǵastyrý qajet ekenine toqtaldy.
Sonymen qatar Qasym-Jomart Toqaev Resei Federatsiiasy Prezidentiniń memlekettik rezidentsiiasyna shabýyl jasaý áreketterin aiyptaitynyn jetkizip, munyń bitimge kelýge jáne qaqtyǵystyń saiasi sheshimin izdeýge keri áser etetinin aitty.
Áńgimelesý sońynda memleketter basshylary bir birin kele jatqan Jańa jylmen quttyqtap, qos halyqqa baq-bereke tiledi.
