Qasym-Jomart Toqaev Resei Federatsiiasynyń Prezidenti Vladimir Pýtinmen telefon arqyly sóilesti, dep habarlaidy Dalanews.kz.
Memleketter basshylary Qazaqstan men Resei arasyndaǵy yntymaqtastyq strategiialyq seriktestik jáne odaqtastyq rýhynda dáiekti túrde damyp kele jatqanyn atap ótip, ekijaqty bailanystardyń qazirgi jai-kúii men perspektivasyn talqylady.
Qasym-Jomart Toqaev pen Vladimir Pýtin saýda-ekonomikalyq, sonyń ishinde energetika, ónerkásip jáne kólik salalary boiynsha buǵan deiin qol jetkizilgen ýaǵdalastyqtardyń júzege asyrylýyn qarastyrdy. Mádeni-gýmanitarlyq bailanystardyń nyǵaiyp kele jatqanyna mán berildi.
Áńgimelesýde Qazaqstan Prezidentiniń Resei Federatsiiasyna jasaityn memlekettik saparyna daiyndyq barysyna erekshe nazar aýdaryldy.
Sondai-aq taraptar óńirlik jáne halyqaralyq kún tártibiniń ózekti máseleleri jóninde pikir almasty.
