"Qazaqstan Respýblikasynyń sailaý týraly" Konstitýtsiialyq zańyna sáikes prezidenttikke úmitker kandidattardy usynýǵa respýblikalyq qoǵamdyq birlestikter men saiasi partiialardyń ǵana quqyǵy bar.
Osy sebepti (Toqaevtyń) prezident sailaýyna úmitker retinde tirkelýi saiasi partiianyń sezinde talqylanyp, sonyń negizinde sheshim shyǵarylatyn bolady, - dedi Berik Ýáli.
Búgin tikelei efirde Memleket basshysy Qasym-Jomart Toqaev elde kezekten tys prezident sailaýy ótetinin, sailaýdyń 2019 jyldyń 9-shy maýsymǵa belgilengenin habarlaǵan.
"Mundai sheshim tek halyqtyń tikelei erkimen sailaýda qabyldanýy qajet. Qazaqstan - demokratiialyq memleket.
Prezident halyqtyń tańdaýymen sailanady.
Men, Memleket basshysy retinde, sailaýdyń taza, ashyq ári ádil ótýine kepildik beremin! Bul - meniń berik ustanymym! Aldaǵy sailaýǵa barshańyzdy barynsha jaýapkershilikpen qaraýǵa shaqyramyn", – dedi Toqaev.
