Muhtardyń pikirinshe, Toqaev eks-prezidentke qaraǵanda áldeqaida saýatty, bilimdi. Ol aqshaǵa kelgende dál Nazarbaevtai ashkóz emes. Dúnie-bailyqqa degen qumarlyǵy joq. Aqshany kórgende búkil moraldyq qundylyqtardy jiyp terip, adami printsipterden attap ketetin adam emes.
Osy tusta Gordon: "Demek, Nazarbaevta mundai derttiń bolǵany anyq qoi?" degen saýal qoidy. Jákishev buǵan bas izep jaýap berdi.
"Iá, bul daý týǵyzbaityn aqiqat", – dedi ol.
Jýrnalist budan syrt Toqaevtyń tusyndaǵy Qazaqstan men Nazarbaevtyń dáýirin salystyrýdy surady.
– Toqaev kezeńindegi Qazaqstan maǵan kóbirek unaidy. Sebebi, pikir bildiretin, oiyńdy ashyq múmkindik berilýde. Nazarbaevtyń tusynda negizinen kúbir-sybyrmen shekteletin edik. Mundai bilik ádette halyqtyń jaýy ispetti bolyp keledi. Qazir birshama aitýǵa bolatyn zaman. Sóileýge shekteý qoiylyp otyrǵan joq. Oi erkindigi, sóz bostandyǵy kórden tirilip kelgendei kúi keship júrmiz.
Dese de, Jańa Qazaqstan tolyqqandy ornady dep aitýǵa áli erte. Eski Qazaqstannyń ókilderi oryntaǵyn saqtap qaldy.
Qoǵam kútken ádilettilik ornady deýge aýzym barmaidy. Al qoǵam úshin ádilettilikten asqan qundylyq joq. Sonyń ishinde sot salasyndaǵy soraqy sheshimder azaimai otyr. Aǵa men kóke, barmaq basty, kóz qystyǵa qurylǵan júie tamyryn tereńge jibergen túri bar.
Nazarbaevtyń tusynda tórelik etken sottar avtomatty túrde Jańa Qazaqstanǵa ótip ketti, olardyń murtyn balta shapqan joq, – deidi Jákishev.
Jákishev Gordonǵa Pýtin týraly pikirin de ashyq aitypty, onyń tómendegi siltemeden oqi alasyz.?
Pýtin jaiynda
