Memleket basshysy Pavlodar oblysynyń ákimi Asaiyn Baihanovty qabyldady, – dep habarlaidy Dalanews.kz.
Prezidentke Pavlodar oblysynyń byltyrǵy áleýmettik-ekonomikalyq damý qorytyndylary týraly esep berilip, aldaǵy kezeńge arnalǵan jospary tanystyryldy.
Qasym-Jomart Toqaevqa ótken jyly Pavlodar oblysynda ekonomikanyń barlyq negizgi salasy boiynsha ósim baiqalǵany jóninde baiandaldy. Byltyr óńirlik jalpy ónim 5,8 paiyzǵa ulǵaidy. Aimaqqa 1,1 trillion teńge investitsiia (38 paiyzǵa ósken) tartyldy. Bul – rekordtyq kórsetkish.
Prezidentke quramynda altyn bar kontsentratty qaita óńdeý jáne ferroqorytpa óndirisi boiynsha 2 iri jobanyń júzege asyrylatyny týraly aityldy. Ekibastuzda qýattylyǵy 460 myń tonna bolatyn 3 ferroqorytpa zaýytyn salý josparlanǵan. Bul kásiporyndar iske qosylsa, Qazaqstan ferroqorytpa óndirisi boiynsha álemde ekinshi orynǵa shyǵady.
Qasym-Jomart Toqaevqa barlyq áleýmettik mindettemeniń júieli túrde oryndalyp jatqany jaiynda málimet berildi. Oblysta 30 myńnan astam jańa jumys orny ashylǵan, 40 jańa nysan paidalanýǵa berilip, 83 áleýmettik ǵimarat jańǵyrtýdan ótken. Qosymsha bilim beretin 3 ortalyq, 1800 oqýshyǵa arnalǵan «Jaily mektepter» salynǵan. Apattyq jaǵdaidaǵy mektepterdiń ornyna 3 bilim berý nysany boi kóterip, 26 oqý oshaǵy jóndelgen.
Oblys ákimi sońǵy 20 jylda alǵash ret jylýmen jabdyqtaý jelileriniń tozý deńgeii 1,3 paiyzǵa tómendegenin aitty. Qoǵamdyq kólik 80 paiyzǵa jańartylyp, 230 avtobýs jetkizilgen. Eýropalyq qaita qurý jáne damý bankiniń esebinen tramvai parki jańaryp jatyr. Jańa 25 vagonnyń alǵashqy partiiasy biyl qyrkúiekte jetkiziledi.
Memleket basshysy investitsiia tartýdy jalǵastyrý, «Jaily mektep» ulttyq josparyn sapaly jáne ýaqtyly júzege asyrý mańyzdy ekenin atap ótti.
Kezdesý sońynda Prezident oblys ekonomikasyn odan ári ártaraptandyrý, áleýmettik salany damytý, infraqurylymdy jańǵyrtý jáne kóktemgi egis jumystaryna daiyndyq jóninde birqatar tapsyrma berdi.
