Prezıdent Qasym-Jomart Toqaev ózine keńesshini taǵaıyndady, dep habarlaıdy Dalanews.kz.

Memleket basshysynyń ókimimen Ernar Lazar Qazaqstan Respýblıkasy Prezıdentiniń halyqaralyq máseleler jónindegi keńesshisi bolyp taǵaıyndaldy, ol burynǵy atqarǵan laýazymynan bosatyldy.

Ernar Lazar 1986 jyly Almaty qalasynda dúnıege kelgen.

Bilimi joǵary, halyqaralyq qatynastar magıstri.

2006 jyly ál-Farabı atyndaǵy QazUÝ Halyqaralyq qatynastar fakúltetin «halyqaralyq ekonomıka» mamandyǵy boıynsha támamdaǵan.

2011 jyly QR Prezıdenti janyndaǵy Memlekettik basqarý akademıasynyń Dıplomatıa ınstıtýtyn bitirgen.

Eńbek jolyn 2006 jyly QR Syrtqy ister mınıstrligi Konsýldyq qyzmet departamentinde bastaǵan.

2007-2010 jyldary Qazaqstannyń Japonıadaǵy Elshiliginiń attashesi, úshinshi hatshysy;

2011- 2013 jyldary QR Syrtqy ister mınıstrligi Azıa jáne Afrıka departamentiniń ekinshi hatshysy;

2013-2017 jyldary Qazaqstannyń Nıderlandtaǵy ekinshi, birinshi hatshysy;

2017-2018 jyldary QR Syrtqy ister mınıstrligi Eýropa departamentiniń keńesshisi laýazymdarynda qyzmet atqarǵan.

2018 qańtar aıynan bastap QR Prezıdenti Ákimshiligi Syrtqy saıası jáne halyqaralyq baılanystar bóliminiń konsýltanty, ınspektory, sektor meńgerýshisi, bólim meńgerýshisiniń orynbasary laýazymdarynda qyzmet etti.

2023 jyly 11 shildeden bastap Memleket basshysynyń ókimimen Qazaqstan Respýblıkasy Prezıdenti Ákimshiliginiń syrtqy saıasat jáne halyqaralyq baılanystar bóliminiń meńgerýshisi laýazymyn atqarǵan.