پرەزيدەنت قاسىم-جومارت توقايەۆ وزىنە كەڭەسشىنى تاعايىندادى، دەپ حابارلايدى Dalanews.kz.
مەملەكەت باسشىسىنىڭ وكىمىمەن ەرنار لازار قازاقستان رەسپۋبليكاسى پرەزيدەنتىنىڭ حالىقارالىق ماسەلەلەر جونىندەگى كەڭەسشىسى بولىپ تاعايىندالدى، ول بۇرىنعى اتقارعان لاۋازىمىنان بوساتىلدى.
ەرنار لازار 1986 جىلى الماتى قالاسىندا دۇنيەگە كەلگەن.
ءبىلىمى جوعارى، حالىقارالىق قاتىناستار ماگيسترى.
2006 جىلى ءال-فارابي اتىنداعى قازۇۋ حالىقارالىق قاتىناستار فاكۋلتەتىن «حالىقارالىق ەكونوميكا» ماماندىعى بويىنشا ءتامامداعان.
2011 جىلى ق ر پرەزيدەنتى جانىنداعى مەملەكەتتىك باسقارۋ اكادەمياسىنىڭ ديپلوماتيا ينستيتۋتىن بىتىرگەن.
ەڭبەك جولىن 2006 جىلى ق ر سىرتقى ىستەر مينيسترلىگى كونسۋلدىق قىزمەت دەپارتامەنتىندە باستاعان.
2007-2010 جىلدارى قازاقستاننىڭ جاپونياداعى ەلشىلىگىنىڭ اتتاشەسى، ءۇشىنشى حاتشىسى؛
2011- 2013 جىلدارى ق ر سىرتقى ىستەر مينيسترلىگى ازيا جانە افريكا دەپارتامەنتىنىڭ ەكىنشى حاتشىسى؛
2013-2017 جىلدارى قازاقستاننىڭ نيدەرلاندتاعى ەكىنشى، ءبىرىنشى حاتشىسى؛
2017-2018 جىلدارى ق ر سىرتقى ىستەر مينيسترلىگى ەۋروپا دەپارتامەنتىنىڭ كەڭەسشىسى لاۋازىمدارىندا قىزمەت اتقارعان.
2018 قاڭتار ايىنان باستاپ ق ر پرەزيدەنتى اكىمشىلىگى سىرتقى ساياسي جانە حالىقارالىق بايلانىستار ءبولىمىنىڭ كونسۋلتانتى، ينسپەكتورى، سەكتور مەڭگەرۋشىسى، ءبولىم مەڭگەرۋشىسىنىڭ ورىنباسارى لاۋازىمدارىندا قىزمەت ەتتى.
2023 جىلى 11 شىلدەدەن باستاپ مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمىنىڭ مەڭگەرۋشىسى لاۋازىمىن اتقارعان.
