Memleket basshysy Týrızm jáne sport mınıstri Erbol Myrzabosynovty qabyldap, birneshe tapsyrma berip, tanymaldyǵy artyp kele jatqan padel sportyna nazar aýdarýdy surady, - dep habarlaıdy Dalanews.kz.
Aldymen mınıstr Erbol Myrzabosynov prezıdentke atqarylǵan jumystar jaıly esep berdi:
- otandyq sport salasyn keshendi reformalaý jóninde buǵan deıin berilgen Prezıdent tapsyrmalarynyń oryndalý barysyn baıandady;
- balalar men jasóspirimder sportyn damytý, tóreshiler men mamandar biliktiligin arttyrý, legıoner sanyn azaıtý, federasıalar jumysyn ońtaılandyrý baǵytynda atqarylǵan jumystar týraly esep berdi:
- salaǵa vertıkaldy basqarý júıesin engizý sharalary bastalǵan. Osy maqsatta mınıstrlik janynan arnaıy qurylǵan top músheleri óńirlerdegi sport salasynyń jaǵdaıyna jan-jaqty taldaý júrgizgen;
- qoldanystaǵy "Dene shynyqtyrý jáne sport týraly"zańǵa negizgi basymdyqtardy aıqyndaıtyn ózgerister men tolyqtyrýlar engizý úshin jumys toby qurylǵan;
- halyqaralyq federasıalarmen yntymaqtastyq aıasyn keńeıtý, sport ınfraqurylymdaryn jetildirý úshin júıeli jumys júrgizilip jatyr;
elimizdiń týrısik áleýetin arttyrý sharalary týraly málimet berdi: - sheteldik saıahatshylarǵa túrli múmkindikter usynatyn Neo Nomad Visa jobasy iske qosylǵan;
- Prezıdent tapsyrmasyna sáıkes Almaty taý klasterin, Mańǵystaý jáne Býrabaı kýrorty aımaqtarynda jaǵajaı týrızmin damytý jóninde keshendi jospar ázirlenip jatyr;
- Oıyn bıznesin jáne lotereıany retteý komıteti qurylyp, lýdomanıaǵa qarsy kúres qolǵa alynǵan.
Qasym-Jomart Toqaev mınıstrge sport jáne týrızm salalaryn odan ári jetildirý jóninde birqatar naqty mindet júktedi. Atap aıtqanda, aldaǵy ýaqytta ótetin halyqaralyq sport dodalaryna daıyndyq deńgeıin pysyqtaýdy, sondaı-aq elimizde tanymaldyǵy artyp kele jatqan padel sportyn ilgeriletýge nazar aýdarýdy tapsyrdy.
