Memleket basshysyna mınıstrliktiń qazirgi jumystary men otandyq medısınanyń damýy jóninde egjeı-tegjeıli esep berildi.
Eljan Birtanov Prezıdentke elimizde koronavırýstiń taralýyna jol bermeý úshin mınıstrliktiń qabyldaǵan sharalary týraly baıandady.
Sonymen qatar, Memleket basshysyna Halyqtyń densaýlyǵy jáne densaýlyq saqtaý júıesi týraly jańa kodekstiń ázirlený barysy jaıynda málimet berildi.
Eljan Birtanov Qasym-Jomart Toqaevqa mindetti medısınalyq saqtandyrý júıesiniń engizilýi jáne aýrýhanalardy jańǵyrtýǵa baǵyttalǵan jańa memlekettik baǵdarlamanyń iske asyrylýy jóninde aıtty.
Prezıdent halyqqa kórsetiletin medısınalyq kómektiń sapasy men qol jetimdiligin arttyrýdyń asa mańyzdy ekenin atap ótti jáne jurtshylyqtyń pikirin eskere otyryp, Densaýlyq týraly jańa kodeksti ázirleý jumystaryn jalǵastyrýdy tapsyrdy.
