Saýalnama nátijesinde Qasym-Jomart Toqaev sailaýshylardyń 70,13 paiyz daýsyn jinady. Halyqtyń sailaýǵa kelý kórsetkishi 77,4 paiyzdy qurap, 9 millionnan astam qazaqstandyq óz tańdaýyn jasady.
Aldyn ala málimetter jariialanǵannan keiin Qasym-Jomart Toqaev ózine senim bildirgen barsha otandastaryna alǵysyn bildirdi.
– Sailaýaldy naýqan órkenietti ári júieli túrde júrgizildi. Shyn máninde bul naýqan baǵdarlamalardyń básekesi boldy. Halyq bizge senim artyp, óz tańdaýyn jasady. Sondyqtan aldymyzda aýqymdy jumystar kútip tur
– dedi Qasym-Jomart Toqaev.
Ol úgit-nasihat kezeńine qatysqan respýblikalyq qoǵamdyq shtabtyń múshelerine, barlyq belsendi azamattarǵa jáne partiia jaqtastaryna atqarǵan jumystary úshin alǵysyn bildirip, elektoraldy naýqannyń aýqymy men tehnologiialyq múmkindigin atap ótti.
– Búkil álemdegi siiaqty bizdiń elimizde de jaǵdaidyń ózgergenin kórip otyrsyzdar. Álemdik qaýymdastyqtyń bir bólshegi bolǵandyqtan Qazaqstanǵa jahandyq oqiǵalardyń da yqpaly bolary sózsiz. Sondyqtan biz elimizdiń jarqyn bolashaǵy úshin judyryqtai jumylýymyz kerek, – dedi Q.Toqaev.
Jinalǵandarǵa arnaǵan sózinde Qasym-Jomart Kemeluly Qazaqstannyń búgingi jetistikteri Elbasy esimimen tyǵyz bailanysty ekenin aitty.
– Qazaqstannyń Tuńǵysh Prezidenti – Elbasy Nursultan Ábishuly Nazarbaev búkil álem moiyndaǵan qýatty, kóp ultty memleket qurdy. Bizdiń endigi mindetimiz – qoldaǵy barymyzdy qadirlep, jetistikterimizdi saqtap, órleý men jasampazdyq jolynda bolashaqqa batyl qadam basý, – dedi Q.Toqaev.
Respýblikalyq qoǵamdyq shtabtyń jetekshisi, «Nur Otan» partiiasy Tóraǵasynyń Birinshi orynbasary Máýlen Áshimbaev aldaǵy ýaqytta partiianyń Elbasy jolyn ári qarai jalǵastyryp, sailaýaldy baǵdarlamany júzege asyrý úshin bar kúsh-jigerin jumsaitynyn aitty.
– Búgin qazaqstandyqtardyń basym bóligi bizdiń kandidatymyz Qasym-Jomart Toqaevqa daýys berý arqyly Elbasy saiasatynyń sabaqtastyǵyna jáne birlik pen turaqtylyqqa qoldaý bildirdi, – dedi M.Áshimbaev.
Sonymen qatar is-sharada respýblikalyq shtabtyń músheleri, aimaqtyq shtabtar men «Team Qazaqstan» jastar qanatynyń ókilderi sóz sóiledi. Olar exit-pool-dyń nátijesine biraýyzdan qoldaý bildirip, Qazaqstan halqyn ótken Prezident sailaýymen quttyqtady.
Sailaýaldy naýqan kezinde elimiz boiynsha kandidattyń 228 shtaby jumys istedi. Mobildi úgit-nasihat tobynyń quramynda bolǵan 20 myńnan astam senimdi ókil «Esikten esikke» aktsiiasy aiasynda sailaýshylarmen kezdesti. Elimiz boiynsha kandidattyń 228 qoǵamdyq qabyldaýy turaqty jumys istep, 21 myńnan astam azamatty qabyldady.
#Birge aktsiiasy aiasynda barsha qazaqstandyqtardan Kandidattyń atyna joldanǵan jarty millionnan astam usynystar men tilekter jinaldy. Shtabtyń «Team Qazaqstan» jastar qanaty Kandidatty qoldaý maqsatynda «#5Armanym» internet-jobasyn, túrli aktsiialar men forýmdar, «Open air» kontserttik baǵdarlamalaryn, «Erkin pikir» atty pikirtalastar jáne «Jas Otan Cases» sheberlik saǵattaryn uiymdastyryp, nátijeli ótkizdi.
Ortalyq sailaý komissiiasy Qazaqstan Respýblikasy Prezidenti sailaýynyń resmi qorytyndysyn zańmen bekitilgen merzim aralyǵynda jariialaidy.
