EPG Education qory bul jobaǵa 12,6 million dollar investitsiia quiatyn boldy, - dep habarlaidy Dalanews.kz.
2024 jyldyń qarashasynda Qazaqstan Prezidenti Qasym-Jomart Toqaevtyń Frantsiiaǵa resmi sapary ótti. Frantsiia Prezidenti Emmanýel Makronmen kezdesý barysynda qos el basshylary strategiialyq máselelerdi talqylaýmen qatar, mádeni bailanystardy damytý, Qazaqstanda frantsýz mádenieti men tilin ilgeriletý máselesiniń mańyzdylyǵyn atap ótken edi.
Bul taqyryp alǵash ret 2023 jyldyń qarashasynda Emmanýel Makronnyń Qazaqstanǵa jasaǵan memlekettik sapary kezinde kóterilgen bolatyn. Sol kezde Astana men Almaty qalalarynda eki frantsýz mektebin ashý týraly úkimetaralyq kelisimge qol qoiylǵan.
Biyl osy úkimetaralyq kelisim is júzinde júzege asyryla bastady. Otandyq EPG adami kapitaldy damytý qory men AEFE sheteldegi frantsýz bilimin damytý agenttigi Almatyda mektep salý jobasyn iske asyrý jónindegi kelisimge qol qoidy.
Qazaqstan Prezidenti Qasym-Jomart Toqaev «Astana men Almatyda qazaq-frantsýz mektepteri salynady. Búgin tiisti qujattarǵa qol qoiyldy. Bul mektepter jastarǵa joǵary bilim standarttaryna sai bilim alýǵa múmkindik beredi» dep, osy jobanyń mańyzyna airyqsha toqtalǵan edi.
Almatydaǵy jańa oqý ornynyń esigi 2026 jyldyń qyrkúieginde ashylady dep josparlanýda. Jobany iske asyrý úshin EPG qory 12,6 million dollar investitsiia salýdy kózdep otyr.
Almatydaǵy qazaq-frantsýz mektebi birqatar biregei artyqshylyqtar usynady. Olar: halyqaralyq úlgidegi attestat, ásirese tehnikalyq pánder boiynsha bilim berýdiń joǵary sapasy, frantsýz, aǵylshyn, qazaq jáne orys tilderinde oqytý, 3 jastan bastap balalardy qabyldaý, sheteldik, sonyń ishinde frantsýz joǵary oqý oryndaryna túsý múmkindigi.
«Bul joba qazaqstandyq balalarǵa halyqaralyq bilim álemine jol ashady. Almatydaǵy mekteptiń qurylysy AEFE — Frantsiianyń sheteldegi frantsýz bilimin damytý men qoldaýǵa jaýapty memlekettik uiymynyń baqylaýymen jáne qatysýymen júzege asady. Bul agenttik Frantsiianyń Eýropa jáne syrtqy ister ministrliginiń qaramaǵynda, álemniń 139 elindegi 580 mektepti qamtityn frantsýz oqý oryndary jelisin basqarady. Onda 392 000-nan astam oqýshy bilim alýda. AEFE Frantsiia Bilim ministrliginiń talaptaryna sai joǵary bilim standarttaryn qamtamasyz etedi jáne muǵalimderdiń biliktiligin arttyrýǵa erekshe mán beredi», - dedi, EPG Education qorynyń Qadaǵalaý keńesiniń tóraǵasy Baltabek Muqashev.
Qazaq-frantsýz mektebiniń ashylýy – qos el arasyndaǵy bilim berý salasyndaǵy yntymaqtastyqtyń mańyzdy qadamy. Bul qazaqstandyq balalarǵa álemdik deńgeidegi básekege qabiletti bilim alýǵa múmkindik beredi.
Qazirgi tańda EPG adami kapitaldy damytý qory Almaty qalasynda Prometheus School jáne Fizteh syndy eki mektepti basqaryp otyr.
