Toqaev der kezinde jariialanǵan karantin biraz adamnyń ómirin saqtap qalǵanyn eskerip ótti. Desek te ol ákimder men densaýlyq saqtaý ministrliginiń jibergen qatelikteri bar ekenin moiyndady.
"Ókinishke orai, halyqtyń karantindi elemeýinen jáne densaýlyq saqtaý ministrliginiń burynǵy basshylyǵynyń, ákimderdiń jaýapsyzdyǵynyń kesirinen koronavirýstyń ekinshi tolqynymen qosa pnevmoniianyń órshýimen betpe-bet keldik. Aitylǵan másele boiynsha biz tergeý júrgizemiz jáne bul jaǵdaidan sabaq alamyz. Sheneýnikterdiń jibergen qatelikterine tiisti baǵa beremiz", - dedi Toqaev.
Buǵan qosa ol memlekettik komissiianyń sheshimimen 5 shildeden bastap elimizde eki aptalyq merzimge karantin sharalary engizilgenin taǵy bir márte atap ótti.
"Qazir jaǵdaidyń turaqtanǵany baiqalady. Biraq bosańsýdyń qajeti joq. Aldaǵy aptada pandemiiaǵa qarsy kúrestiń barysy aiqyndalmaq", - dep qosty prezident.
Aita keteiik, 25 maýsym kúni eks-densaýlyq saqtaý ministri Eljan Birtanov óz erkimen otstavkaǵa ketken bolatyn. Onyń ornyna úsh kún vitse-ministr bolyp jumys istegen Aleksei Tsoi taǵaiyndaldy. Birtanov óz kezeginde jumystan ketýin densaýlyǵyna bailanysty ekenin aitypty.
