"Ómirlik qiyn jaǵdaida qalǵan Qazaqstan Respýblikasy azamattarynyń borysh júktemesin azaitý jóninde ýaqtyly kómek kórsetý maqsatynda qaýly etemin:
1. Qazaqstan Respýblikasynyń Úkimeti ekinshi deńgeidegi bankterdegi jáne mikroqarjy uiymdaryndaǵy kepilsiz tutynýshylyq qaryzdary boiynsha mynadai jaǵdailarda:
1) atalǵan qaryzdar boiynsha boryshkerler kópbalaly otbasylar, asyraýshysynan airylý jaǵdaiyna bailanysty tólem alatyn otbasylar, múgedek balalary bar, 18 jastan asqan, bala jasynan múgedekter bar otbasylar, ataýly memlekettik áleýmettik kómek alatyndar, jetim balalar, ata-anasynan kámelettik jasqa deiin aiyrylǵan, jiyrma toǵyz jasqa tolmaǵan, ata-ananyń qamqorlyǵynsyz qalǵan balalar;
2) qaryz boiynsha jalpy bereshegi 2019 jylǵy 1 maýsymdaǵy jaǵdai boiynsha 3 000 000 (úsh million) teńgeden aspaityn bolsa;
3) bir qaryz alýshyǵa 2019 jylǵy 1 maýsymdaǵy jaǵdai boiynsha negizgi boryshy men oǵan eseptelgen syiaqydan turatyn óteletin beresheginiń mólsheri 300 000 (úsh júz myń) teńgeden aspaityn bolsa, olardy óteý boiynsha birjolǵy tártipte sharalar qabyldasyn", - dep jazylǵan jarlyqta.
Jarlyqtyń oryndalýyn baqylaý prezident ákimshiligine júkteldi.
Kimniń qaryzy óteledi?
Atalǵan kómekti alý úshin jalpy nesieniń somasy 1 maýsymdaǵy jaǵdai boiynsha 3 million teńgeden aspaýy kerek. Osy sanattaǵy azamattardyń 300 myń teńgege deiingi bereshegi óteledi.
"Qaryz alýshylardyń 55 paiyzy, iaǵni 250 myń adam úshin olardyń krediti negizgi bereshegi men syiaqysyn qosa alǵanda tolyq óteledi degen sóz. Al basqa azamattardyń qaryzynyń bir bóligi 300 myń teńge kóleminde óteledi. Bul olar úshin aitarlyqtai kómek bolady", - dep túsindirdi Toqaev BAQ ókilderimen ótken kezdesýde.
