Memleket basshysy Qasym-Jomart Toqaev Óńirlik ekologiialyq sammittiń plenarlyq otyrysynda sóz sóiledi, dep habarlaidy Dalanews.kz.
Qasym-Jomart Toqaev múddeli halyqaralyq taraptardy Kaspii teńizin saqtaý jolynda kúsh-jiger biriktirýge shaqyrdy.
"Sonymen qatar, elimiz Kaspii teńiziniń taǵdyryna da alańdaidy. Teńiz aidynyn qorǵaý – aimaqta ekologiialyq tepe-teńdik pen bioalýantúrlilikti saqtaý, ornyqty damýdy qamtamasyz etý turǵysynan airyqsha mańyzdy. Osy oraida Qazaqstan Kaspii teńiziniń tartylýyna jol bermeý úshin memleketaralyq baǵdarlama qabyldaý jóninde bastama kóterdi, Kaspii teńizi ǵylymi-zertteý institýtyn qurýǵa uiytqy boldy. Atalǵan mekeme óńirlik deńgeidegi ǵylymi yntymaqtastyqty damytýǵa yqpal etedi. Barsha múddeli halyqaralyq taraptardy tabiǵattyń osynaý asyl qazynasyn saqtaý jolynda kúsh-jiger biriktirýge shaqyramyz. Kaspii mańynda qarýly kúshterdiń qoldanylýyna jol berýge bolmaidy. Oǵan qatań tyiym salynýǵa tiis", - dedi Toqaev.
