مەملەكەت باسشىسى قاسىم-جومارت توقاەۆ ٶڭٸرلٸك ەكولوگييالىق سامميتتٸڭ پلەنارلىق وتىرىسىندا سٶز سٶيلەدٸ, دەپ حابارلايدى Dalanews.kz.
قاسىم-جومارت توقاەۆ مٷددەلٸ حالىقارالىق تاراپتاردى كاسپيي تەڭٸزٸن ساقتاۋ جولىندا كٷش-جٸگەر بٸرٸكتٸرۋگە شاقىردى.
"سونىمەن قاتار, ەلٸمٸز كاسپيي تەڭٸزٸنٸڭ تاعدىرىنا دا الاڭدايدى. تەڭٸز ايدىنىن قورعاۋ – ايماقتا ەكولوگييالىق تەپە-تەڭدٸك پەن بيوالۋانتٷرلٸلٸكتٸ ساقتاۋ, ورنىقتى دامۋدى قامتاماسىز ەتۋ تۇرعىسىنان ايرىقشا ماڭىزدى. وسى ورايدا قازاقستان كاسپيي تەڭٸزٸنٸڭ تارتىلۋىنا جول بەرمەۋ ٷشٸن مەملەكەتارالىق باعدارلاما قابىلداۋ جٶنٸندە باستاما كٶتەردٸ, كاسپيي تەڭٸزٸ عىلىمي-زەرتتەۋ ينستيتۋتىن قۇرۋعا ۇيىتقى بولدى. اتالعان مەكەمە ٶڭٸرلٸك دەڭگەيدەگٸ عىلىمي ىنتىماقتاستىقتى دامىتۋعا ىقپال ەتەدٸ. بارشا مٷددەلٸ حالىقارالىق تاراپتاردى تابيعاتتىڭ وسىناۋ اسىل قازىناسىن ساقتاۋ جولىندا كٷش-جٸگەر بٸرٸكتٸرۋگە شاقىرامىز. كاسپيي ماڭىندا قارۋلى كٷشتەردٸڭ قولدانىلۋىنا جول بەرۋگە بولمايدى. وعان قاتاڭ تىيىم سالىنۋعا تيٸس", - دەدٸ توقاەۆ.
