Birinshiden, tótenshe jaǵdaı kezinde aıyppuldar men ósimpuldardy esepteýge qabyldanǵan tyıymnan basqa, halyqtyń barlyq zaımdary boıynsha negizgi qaryz ben syıaqy somasyn tóleýin toqtata turý qajet. Bankterden men tolyq túsinistik pen azamattyq yntymaqtastyqty kútemin, - dedi Toqaev.
Onyń aıtýynsha, kóptegen azamat jeke qarjylyq jaǵdaıynyń qıyndaýyna baılanysty banktik emes uıymdarǵa, lombardtarǵa, ınternet-nesıe berýshilerge, mıkroqarjy uıymdaryna júginýge májbúr.
Sondyqtan sektordy tazartý óte mańyzdy. Azamattardy aldaý múmkin emes. Men Qarjy naryǵyn retteý jáne damytý agenttigine, Bas prokýratýraǵa, Aqparat jáne qoǵamdyq damý mınıstrligine zańnamanyń saqtalýyn tekserý boıynsha aýqymdy aksıa júrgizýge jáne zań buzýshylardy jarıa túrde jazalap, muny BAQ pen áleýmettik jelilerde barynsha kórsetýdi tapsyramyn. Bul qazaqstandyqtar qıyn-qystaý jaǵdaıda ózderiniń quqyqtaryn memleket qatań qorǵaıtyndyǵyn bilý kerek, - deıdi prezıdent.
