بىرىنشىدەن، توتەنشە جاعداي كەزىندە ايىپپۇلدار مەن ءوسىمپۇلداردى ەسەپتەۋگە قابىلدانعان تىيىمنان باسقا، حالىقتىڭ بارلىق زايمدارى بويىنشا نەگىزگى قارىز بەن سىياقى سوماسىن تولەۋىن توقتاتا تۇرۋ قاجەت. بانكتەردەن مەن تولىق تۇسىنىستىك پەن ازاماتتىق ىنتىماقتاستىقتى كۇتەمىن، - دەدى توقايەۆ.
ونىڭ ايتۋىنشا، كوپتەگەن ازامات جەكە قارجىلىق جاعدايىنىڭ قيىنداۋىنا بايلانىستى بانكتىك ەمەس ۇيىمدارعا، لومباردتارعا، ينتەرنەت-نەسيە بەرۋشىلەرگە، ميكروقارجى ۇيىمدارىنا جۇگىنۋگە ءماجبۇر.
سوندىقتان سەكتوردى تازارتۋ وتە ماڭىزدى. ازاماتتاردى الداۋ مۇمكىن ەمەس. مەن قارجى نارىعىن رەتتەۋ جانە دامىتۋ اگەنتتىگىنە، باس پروكۋراتۋراعا، اقپارات جانە قوعامدىق دامۋ مينيسترلىگىنە زاڭنامانىڭ ساقتالۋىن تەكسەرۋ بويىنشا اۋقىمدى اكسيا جۇرگىزۋگە جانە زاڭ بۇزۋشىلاردى جاريا تۇردە جازالاپ، مۇنى ب ا ق پەن الەۋمەتتىك جەلىلەردە بارىنشا كورسەتۋدى تاپسىرامىن. بۇل قازاقستاندىقتار قيىن-قىستاۋ جاعدايدا وزدەرىنىڭ قۇقىقتارىن مەملەكەت قاتاڭ قورعايتىندىعىن ءبىلۋ كەرەك، - دەيدى پرەزيدەنت.
