Prezident keńesshisin aýystyrdy, dep habarlaidy Dalanews.kz.
Memleket basshysynyń ókimimen Maǵzum Myrzaǵaliev Qazaqstan Respýblikasy Prezidentiniń keńesshisi laýazymyna taǵaiyndaldy.
Al buǵan deiin bul qyzmetti atqarǵan Bolat Aqsholaqov prezidenttiń ókimimen Qazaqstan Respýblikasy Prezidentiniń keńesshisi laýazymynan bosatyldy.
Myrzaǵaliev týraly:
Maǵzum Myyrzaǵaliev 1978 jyly 7 qarashada Almatyda dúniege kelgen.
Eńbek joly:
2001-2004 jyldary – Teńiz jáne Batys Sibir ken oryndarynda MI Drilling Fluids International (Schlumberger) burǵylaý ertindileri jónindegi injeneri, AQSh jáne Malaiziiada taǵlymdamadan ótken. 2004-2007 jyldary – óndirý menedjeri (MI Drilling Fluids International Aqtaý filialynyń basshysy). 2007-2010 jyldary – «TeńizServis» JShS bas direktory. 2010-2012 jyldary – «QazMunaiGaz» UK» AQ jobalaý servisteri boiynsha basqarýshy direktor.
2012-2013 jyldary – «QazMunaiGaz» UK» AQ innovatsiialyq damý jáne servistik joba jónindegi basqarma tóraǵasynyń orynbasary. 2013 jyldyń qazany – 2014 jyldyń tamyzy – Qazaqstan Respýblikasy munai jáne gaz vitse-ministri.
2014 jyldyń 13 tamyzynan – 2019 jyldyń 17 maýsymyna deiin – Qazaqstan Respýblikasy energetika vitse-ministri. 2019 jyldyń 17 maýsymynan bastap - Qazaqstan Respýblikasynyń ekologiia, geologiia jáne tabiǵi resýrstar ministri. 2021 jyldyń 9 qyrkúieginen bastap QR energetika ministri bolǵan.
Aqsholaqov týraly:
1971 jyly 9 sáýirde Gýrev qalasynda (Atyraý) dúniege kelgen. Qazaq memlekettik basqarý akademiiasyn, esep jáne ekonomikalyq kibernetika fakýltetin, munai-gaz ónerkásibiniń bilim berý ortalyǵyn bitirgen. Mamandyǵy — «Jer qoinaýyn paidalanýǵa arnalǵan kelisimsharttardy baǵalaý», «Munai óndirý ekonomikasy».
Eńbek jolyn 1994 jyly Alem Bank Kazakhstan ekonomisi, bas ekonomisi bolyp bastaǵan.
Sońǵy jyldardaǵy qyzmeti mynadai:
2021 jylǵy sáýirden 2022 jylǵy qańtarǵa deiin — «Samuryq-Qazyna» AQ aktivterdi basqarý jónindegi basqarýshy direktory.
2022 jylǵy 11 qańtarda Qazaqstan Respýblikasynyń Prezidentiniń Jarlyǵymen QR energetika ministri bolyp taǵaiyndaldy.
2023 jylǵy 4 sáýirde Memleket basshysynyń ókimimen Qazaqstan Respýblikasy Prezidentiniń keńesshisi laýazymyna taǵaiyndaldy.
