پرەزيدەنت كەڭەسشىسىن اۋىستىردى، دەپ حابارلايدى Dalanews.kz.
مەملەكەت باسشىسىنىڭ وكىمىمەن ماعزۇم مىرزاعالييەۆ قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنا تاعايىندالدى.
ال بۇعان دەيىن بۇل قىزمەتتى اتقارعان بولات اقشولاقوۆ پرەزيدەنتتىڭ وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنان بوساتىلدى.
مىرزاعالييەۆ تۋرالى:
ماعزۇم مىىرزاعالييەۆ 1978 جىلى 7 قاراشادا الماتىدا دۇنيەگە كەلگەن.
ەڭبەك جولى:
2001-2004 جىلدارى – تەڭىز جانە باتىس ءسىبىر كەن ورىندارىندا MI Drilling Fluids International (Schlumberger) بۇرعىلاۋ ەرتىندىلەرى جونىندەگى ينجەنەرى، اقش جانە مالايزيادا تاعلىمدامادان وتكەن. 2004-2007 جىلدارى – ءوندىرۋ مەنەدجەرى (MI Drilling Fluids International اقتاۋ فيليالىنىڭ باسشىسى). 2007-2010 جىلدارى – «تەڭىزسەرۆيس» ج ش س باس ديرەكتورى. 2010-2012 جىلدارى – «قازمۇنايگاز» ۇك» اق جوبالاۋ سەرۆيستەرى بويىنشا باسقارۋشى ديرەكتور.
2012-2013 جىلدارى – «قازمۇنايگاز» ۇك» اق يننوۆاسيالىق دامۋ جانە سەرۆيستىك جوبا جونىندەگى باسقارما ءتوراعاسىنىڭ ورىنباسارى. 2013 جىلدىڭ قازانى – 2014 جىلدىڭ تامىزى – قازاقستان رەسپۋبليكاسى مۇناي جانە گاز ۆيسە-مينيسترى.
2014 جىلدىڭ 13 تامىزىنان – 2019 جىلدىڭ 17 ماۋسىمىنا دەيىن – قازاقستان رەسپۋبليكاسى ەنەرگەتيكا ۆيسە-مينيسترى. 2019 جىلدىڭ 17 ماۋسىمىنان باستاپ - قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى. 2021 جىلدىڭ 9 قىركۇيەگىنەن باستاپ ق ر ەنەرگەتيكا ءمينيسترى بولعان.
اقشولاقوۆ تۋرالى:
1971 جىلى 9 ساۋىردە گۋريەۆ قالاسىندا (اتىراۋ) دۇنيەگە كەلگەن. قازاق مەملەكەتتىك باسقارۋ اكادەمياسىن، ەسەپ جانە ەكونوميكالىق كيبەرنەتيكا فاكۋلتەتىن، مۇناي-گاز ونەركاسىبىنىڭ ءبىلىم بەرۋ ورتالىعىن بىتىرگەن. ماماندىعى — «جەر قويناۋىن پايدالانۋعا ارنالعان كەلىسىمشارتتاردى باعالاۋ»، «مۇناي ءوندىرۋ ەكونوميكاسى».
ەڭبەك جولىن 1994 جىلى Alem Bank Kazakhstan ەكونوميسى، باس ەكونوميسى بولىپ باستاعان.
سوڭعى جىلدارداعى قىزمەتى مىناداي:
2021 جىلعى ساۋىردەن 2022 جىلعى قاڭتارعا دەيىن — «سامۇرىق-قازىنا» اق اكتيۆتەردى باسقارۋ جونىندەگى باسقارۋشى ديرەكتورى.
2022 جىلعى 11 قاڭتاردا قازاقستان رەسپۋبليكاسىنىڭ پرەزيدەنتىنىڭ جارلىعىمەن ق ر ەنەرگەتيكا ءمينيسترى بولىپ تاعايىندالدى.
2023 جىلعى 4 ساۋىردە مەملەكەت باسشىسىنىڭ وكىمىمەن قازاقستان رەسپۋبليكاسى پرەزيدەنتىنىڭ كەڭەسشىسى لاۋازىمىنا تاعايىندالدى.
