2025 jyly 15 qańtarda Memleket basshysy Qasym-Jomart Toqaev Abý Dabige jumys sapary aiasynda Masdar kompaniiasynyń bas atqarýshy direktory Muhammed Ál-Ramahimen kezdesý ótkizdi, dep jazady Dalanews.kz.
Aqorda baspasóz qyzmetiniń habarlaýynsha, Memleket basshysy Qazaqstan men Masdar kompaniiasy arasyndaǵy seriktestik jańa ári sapaly deńgeige kóterilgenin atap ótti.
"Prezident kompaniia ókilderimen birge Jambyl oblysynda qýaty 1 GVt bolatyn jel elektr stantsiiasynyń qurylysyn júzege asyrýǵa qatysty kelisimderge qol jetkizilgenin aitty. Atalǵan iri jobaǵa 1,4 milliard dollar investitsiia salynady. Óz kezeginde Muhammed Ál-Ramahi kompaniianyń qurylys jumystary boiynsha josparymen bólisti. Sondai-aq joba aiasynda jel týrbinalarynyń óndirisine jergilikti ónimderdi qoldanýǵa qyzyǵýshylyq tanytyp otyrǵanyn jetkizdi".
Qasym-Jomart Toqaev pen Muhammed Ál-Ramahi Masdar kompaniiasynyń Qazaqstandaǵy qyzmet aiasyn keńeite otyryp, jańartylatyn energetika jáne tsifrlandyrý salalaryndaǵy mańyzdy jobalardy iske asyrý jóninde pikir almasty.
Sonymen qatar kezdesýge Abu Dhabi National Oil Company (ADNOC) qaita óńdeý jáne ótkizý jónindegi bas atqarýshy direktory Halid Salmin qatysty.
Prezident elimizdiń ADNOC kompaniiasymen seriktestikti odan ári damytýǵa basa mán beretinin atap ótti. Halid Salmin eki eldiń ulttyq munai-gaz kompaniialary arasyndaǵy ózara yqpaldastyqtyń perspektivalaryna toqtaldy.
Kezdesýde munai-gazben qatar geologiialyq barlaý isindegi birlesken investitsiialyq jobalardy júzege asyrý máseleleri talqylanyp, tsifrlandyrý jáne jasandy intellekt salalaryndaǵy yntymaqtastyqqa erekshe nazar aýdaryldy.
Aita ketsek, Memleket basshysy Qasym-Jomart Toqaev 2025 jyly 14 qańtarda Birikken Arab Ámirlikterine jumys sapary aiasynda "Abý Dabidiń ornyqty damý aptalyǵy" sammitine qatysty. Memleket basshysy sammitte birinshi bolyp sóz sóiledi. Óz sózinde Qasym-Jomart Toqaev elimizdegi alǵashqy atom elektr stantsiiasynyń qurylysy otandyq energetika salasyn ornyqty damytý baǵytyndaǵy eleýli qadam bolatynyn aitty.
