Mańǵystaý oblysynda Kaspii teńizinde sýǵa batyp ketken 27 jastaǵy er adamdy izdeý jumystary tórtinshi táýlik qatarynan jalǵasyp jatyr, dep habarlaidy dalanews.kz.
Tótenshe jaǵdailar ministrligi málimetinshe, qutqarýshylar teńizdegi qolaisyz aýa raiy men qatty tolqynǵa qaramastan izdeý jumystaryn toqtatpaǵan. Mamandar teńiz akvatoriiasy men jaǵalaý syzyǵyn úzdiksiz tekserip jatyr.
Vedomstvo aqparatyna súiensek, izdeý jumystary qubylmaly gidrometeorologiialyq jaǵdaiǵa, aǵysqa jáne tekseriletin aýmaqtyń aýqymyna bailanysty qiyndap otyr.
Izdeý-qutqarý operatsiiasyna 40-tan asa maman jumyldyrylǵan. Sonymen qatar, júzý quraldary, arnaiy tehnika, ushqyshsyz ushý apparattary, súńgýir jabdyqtary men aviatsiia tartylǵan. Jumysqa Tótenshe jaǵdailar ministrligi, Mańǵystaý oblysy TJD, IIM Ulttyq ulany, UQK Shekara qyzmeti, Áskeri-teńiz kúshteri, Politsiia departamenti mamandary qatysyp jatyr.
Súńgýirler oqiǵa bolǵan aýmaqta teńiz túbi men jaǵalaýǵa jaqyn bólikti kezeń-kezeńimen tekserip jatyr.
