Memleket basshysy Izrail Prezidenti Itshak Gertsogpen kezdesý ótkizdi, dep habarlaidy dalanews.kz.
Bakýde ótip jatqan Aziiadaǵy ózara is-qimyl jáne senim sharalary keńesiniń 7-sammiti aiasynda Prezident Qasym-Jomart Toqaev Izrail Prezidenti Itshak Gertsogpen kezdesti. Memleketter basshylary Qazaqstan-Izrail qarym-qatynasy qarqyndy sipat alǵanyna toqtaldy. Sondai-aq, saýda-ekonomikalyq jáne investitsiialyq yqpaldastyqqa den qoia otyryp, mańyzdy baǵyttar boiynsha yntymaqtastyqty damytý perspektivasyn talqylady.
Qasym-Jomart Toqaev Itshak Gertsogtiń sáýir aiynda Astanaǵa jasaǵan sapary memleketter arasyndaǵy bailanysty nyǵaitýǵa aitarlyqtai serpin bergenine nazar aýdardy. Izrail Prezidenti de Qazaqstanǵa saparyn rizashylyqpen eske aldy. Onyń pikirinshe, elimizdiń kóptegen salada alǵa basýy ekijaqty yqpaldastyqty ilgeriletýge jol ashady.
Itshak Gertsog Qazaqstannyń Beibitshilik keńesine qosylýyn quptap, bul oqiǵanyń beibitshilik pen turaqtylyqty nyǵaitýǵa qosylǵan zor úles ekenin atap ótti. Sondai-aq, taraptar halyqaralyq kún tártibindegi ózekti máseleler, sonyń ishinde Taiaý Shyǵystaǵy ahýal jóninde pikir almasty.
Memleket basshysy shielenisti báseńdetip, qaqtyǵystardy diplomatiia quraldary arqyly retteý qajettigin jetkizdi jáne Qazaqstan osy qaǵidatty berik ustanatynyn aitty.
